![Prezident İlham Əliyev Sergey Lavrovla Qarabağ məsələsini müzakirə edib](https://turan.az/resized/750/500/resize/media/2016/main/071100161622.jpg)
Prezident İlham Əliyev Sergey Lavrovla Qarabağ məsələsini müzakirə edib
İyulun 11-də Azərbaycan prezidenti İlham Əliyev Bakıya ikigünlük işgüzar səfərə gələn Rusiyanın xarici işlər naziri Sergey Lavrovu qəbul edib.
“Biz Qarabağ münaqişəsinin nizamlanmasında Rusiyanın rolunu yüksək qiymətləndiririk, - İ.Əliyev bildirib və qeyd edib ki, Rusiya XİN rəhbərinin Bakı və Yerevana səfəri Moskvanın münaqişənin tezliklə həllində maraqlı olduğunu göstərir.
Bundan öncə Rusiya XİN Lavrovun səfərilə bağlı bəyan etmişdi ki, Bakı görüşlərində Rusiya-Azərbaycan siyasi dialoqunun inkişafının davamı kontekstində qarşıdakı danışıqlar, ikitərəfli münasibətlərə dair aktual məsələlər müzakirə olunacaq, həmçinin bu yaxınlardakı Vyana və Sankt-Peterburq sammitlərində əldə olunan razılaşmaların inkişafı baxımından Dağlıq Qarabağ nizamlanmasına dair fikir mübadiləsi aparılacaq.
Səfər zamanı həmçinin payızda Bakıda keçiriləcək hökumətlərarası komissiyanın növbəti iclasının gündəliyi və iki ölkə prezidentinin hamiliyi ilə sentyabrın 29-da keçiriləcək V Bakı Beynəlxalq Humanitar Forumuna hazırlıq məsələsi müzakirə olunacaq. —0—
-
- İqtisadiyyat
- 11 İyul 2016 19:20
-
- Cəmiyyət
- 12 İyul 2016 10:57
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz