Açiq mənbələrdən foto.
Bakı/18.11.20/Turan: Azərbaycan prezidenti İlham Əliyev “Əhmədbəyli-Füzuli-Şuşa avtomobil yolunun layihələndirilməsi və tikintisi ilə bağlı tədbirlər haqqında" sərəncam imzalayıb.
Sənədə əsasən, ümumi uzunluğu 101,5 kilometr olan Əhmədbəyli–Füzuli–Şuşa avtomobil yolunun layihələndirilməsi və tikintisi üçün 2020-ci ilin dövlət büdcəsində nəzərdə tutulmuş prezidentin Ehtiyat Fondundan Azərbaycan Avtomobil Yolları Dövlət Agentliyinə ilkin olaraq 50 milyon manat (30 milyon dollara yaxın) ayrılıb.
Noyabrın 16-da dövlət başçısı yolun tikintisinə başlanması mərasimində iştirak edib. Görünən odur ki, yol Xocavənd rayonunun azad edilmiş hissəsilə çəkiləcək.
Münaqişəyə qədər Şuşa ilə avtomobil nəqliyyatı əlaqəsi Ağdam-Xankəndi-Şuşa yolu və Laçından daha uzun yolla təmin edilirdi.—06D-
Siyasət
-
İstanbul Universitetinin dioktorantı, 146 gündür həbsxanada aclıq edən Fazil Qasımov quru aclığa keçəcəyini bildirib. Bu barədə onun ailəsi noyabrın 5-də Fazil Qasımov ilə telefon danışığından sonra “Amerikanın səsi”nə bildirib.
-
Dini xeberman.com saytının təsisçisi, noyabrın 4-də koloniyada aclıq elan edən Polad Aslanov həmin gün axşam məcburi qaydada Penitensiar Xidmətin müalicə müəssisəsinə köçürülüb. Bu barədə Turan-a onun xanımı Gülmirə Aslanova bildirib.
-
Ukraynanın Azərbaycandakı səfirliyi bildirir ki, 9 noyabr 2024-cü il saat 12:00-da Bakıda Ukrayna Mərkəzinin açılışı olacaq. Əvvəlcə Azərbaycanda Ukrayna mədəniyyətini, dilini, irsini və təhsilini təbliğ etmək üçün yaradılmış Ukrayna Mərkəzi təmir edilib və genişləndirilib.
-
1 saylı Bakı İstintaq Təcridxanasında fəal Nicat İbrahimin vəziyyəti kəskin pisləşib. Bu barədə Turan-a onun xanımı Pərvanə İbrahim bildirib.
Rəy yaz