Zəka Mirağayev
Bakı Ağır Cinayətlər Məhkəməsində fəal Zəka Mirağayevin işi üzrə məhkəmə istintaqı başa çatıb. Prosesə hakim Kamran Muxtarov sədrlik edib. Prokuror fəalın Cinayət Məcəlləsinin 234.4.3-cü (külli miqdarda narkotik maddə alveri) maddəsilə təqsirli bilinməsini və 7,5 il həbs cəzasına məhkum edilməsini təklif edib.
Fəal ittihamları rədd edib. Müdafiə tərəfi Mirağayevin günahına dair sübutların olmadığını deyib və məhkəmənin ona bəraət verməsini istəyib. Mirağayev yekun çıxışa hazırlaşmaq üçün vaxt istəyib. Məhkəmə növbəti iclası noyabrın 4-nə təyin edib.
Xatırladaq ki, Mirağayev 11 oktyabr 2023-cü ildə külli miqdarda narkotik maddə alveri ittihamı ilə saxlanılıb. Səbail Rayon Məhkəməsi onu 4 ay müddətinə həbs edib və o vaxtdan həbs müddəti uzadılıb.
Mirağayev özünü təqsirli saymır. Məhkəmədə deyib ki, onu evdən aparıblar və narkotik maddəni cibinə polis əməkdaşları qoyublar.
Zəka Mirağayevin yaxınları fəalın həbsini onun Daxili İşlər Nazirliyi rəhbərliyini tənqid etdiyi açıq məktub ilə əlaqələndirirlər. Daxili İşlər Nazirliyi bu iddiaları "əsassız və şəxsi mühakimələr" adlandırıb.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz