Bakı/15.02.20/Turan: Seçkilər zamanı səsvermə və səslərin hesablanması prosedurları ilə bağlı pozuntulara yuxarı seçki komissiyaları - Dairə Seçki komissiyalarında və MSK-da baxılmalıdır. Seçki məntəqələrində zorakılıq faktlarına gəlincə, bunları hüquq- mühafizə orqanları araşdırmalıdır. Bu fikri media hüququ sahəsində ekspert Xalid Ağaliyev Turan-a müsahibəsində söyləyib.
Xüsusilə, əgər seçki məntəqəsində seçicilərə, müşahidəçilərə, komissiya üzvlərinə, o cümlədən məşvərətçi səslə komissiya üzvlərinə qarşı zorakılıq hərəkətləri baş veribsə bu faktlar KİV-də, İnternetdə yayılıbsa prokurorluq onları araşdırmalı, cinayət əlamətləri varsa cinayət işlərinə başlamalıdır.
Hətta bu faktlar açıqlanmasa belə, qanunvericiliyə uyğun olaraq seçki komissiyalarının üzvləri zorakılıq hallarını sənədləşdirməli və toplanmış materialları MSK və hüquq-mühafizə orqanlarına göndərməlidirlər.
Çoxsaylı fiziki təzyiq halları, bəzən isə müşahidəçilərə qarşı birbaşa açıq qəsd halları ilə əlaqədar hüquq-mühafizə orqanlarının fəaliyyətsizliyi təəccüb doğurur, ekspert bildirib.
Belə ki, 76 saylı Lənkəran-Astara dairəsində müşahidəçiyə qarşı görünməmiş təzyiq hadisəsi baş verib. Naməlum statuslu bir qadın güləşçi üsulu ilə yerə yıxılaraq məşvərətçi səslə komissiya üzvü Jalə Bayramovanı boğmağa başlayıb. Güləşçi fiquralı qadın bunu elə bir qəzəb və amansızlıqla edirdi ki, hətta üç kişi qurbanı təcavüzkarın əlindən ala bilmədi. Nəticədə qız beyin sarsıntısı keçirib və başqa xəsarətlər alıb.
https://www.facebook.com/ZhalaMaryam
4 jurnalistin Bakı prokurorluğuna çağrılmasına və fevralın 11-də MSK-nın qarşısında etiraz mitinqinin işıqlandırılmasına görə onlara xəbərdarlıq edilməsinə toxunan X. Ağalıyev bu addımı “gülünc” adlandırıb.
Baxmayaraq ki, qanun prokurorluğa xəbərdarlıq etmək səlahiyyətini verir, ancaq indiki halda 4 gənc jurnalistin polisə müqavimət göstərməkdə ittiham olunması absurddur. “İctimaiyyət baş verənlərin hamısını on-line rejimdə izlədi və hər kəs gördü ki, zorakılığa məruz qalanlar həm aksiya iştirakçıları, həm də jurnalistlərdir. Polisin səlahiyyət həddini aşmasının və jurnalistlərin peşə fəaliyyətinə mane olmasının araşdırılmasının əvəzinə prokurorluq qurbanları cəzalandırmağa qərar verdi”, - o vurğulayıb.–06B-
Siyasət
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
Rəy yaz