![Putin etiraf etdi ki, iki il Gürcüstana qarşı təcavüz hazırlayıb](https://turan.az/resized/media/2012/main/080800007207-750-500-resize.webp)
Putin etiraf etdi ki, iki il Gürcüstana qarşı təcavüz hazırlayıb
Rusiya prezidenti Vladimir Putin bu gün dörd il əvvəl Gürcüstana qarşı döyüş əməliyyatlarına onun başladığı, əməliyyatın isə 2006-cı ildən hazırlandığı və Rusiyanın Osetiya separatçılarını hazırladığı və silahlandırdığı barədə sensasiya doğuran etiraf edib.
“Sirr deyil ki, plan var idi və biz o plan çərçivəsində hərəkət edirdik. Plan Baş Qərargah tərəfindən 2006-cı ilin sonu – 2007-ci ilin əvvəlində Baş Qərargah tərəfindən hazırlanmış və mənimlə razılaşdırılmışdı. Plan çərçivəsində Cənubi Osetiya döyüşçülərini hazırlayırdıq”, deyə Vladimir Putin Ermənistan prezidenti ilə danışıqları başa çatdıqdan sonra jurnalistlərə bildirib.
Qeyd edək ki, Putin 2006-cı ildə də prezident idi, yəni planı o özü təsdiq etmişdi, Qafqazda müharibə zamanı isə bu vəzifəni Dmitri Medvedev tuturdu.
Jurnalistlərin hadisələrdə şəxsən iştirakı barədə sualına cavabda prezident deyib: “Pekində ikən avqustun 7-də və 8-də iki dəfə Dmitri Anatolyeviçə və müdafiə nazirinə zəng etmişdim”. Rusiya Baş Qərargahının o vaxtki rəisi Baluyevskinin sözlərinə görə, məhz Putinin bu zənglərindən sonra Rusiya Gürcüstana qarşı müharibəyə başlayıb.
2008-ci ilin avqustunda münaqişədən sonra Rusiya Abxaziya və Cənubi Osetiyanın müstəqilliyini təyin edib və orada öz hərbi bazalarını yerləşdirib. Gürcüstanda bu respublikalar rəsmi olaraq Rusiya tərəfindən “işğal edilmiş” ərazilər hesab olunur. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz