![Açiq mənbələrdən foto.](https://turan.az/resized/media/2023/main/030400059382-750-500-resize.webp)
Açiq mənbələrdən foto.
Qarabağ Laçın yolunda nəzarət üçün texniki vasitələrin əleyhinə deyil, ancaq sülhməramlıların nəzarəti altında olmasını istəyir
Bakı/04.03.23/Turan: Qarabağ liderləri Laçın dəhlizində nəzarət üçün texniki vasitələrin quraşdırılmasına razıdırlar. Bunu martın 3-də Qarabağın "xarici işlər naziri" Sergey Qazaryan bildirib.
Yolda nəzarəti Rusiya sülhməramlı kontingenti həyata keçirir və "Azərbaycan tərəfinin belə nəzarəti həyata keçirmək üçün heç bir səlahiyyəti yoxdur", - o deyib.
"Əgər belə texniki vasitələr Rusiya sülhməramlılarının işini asanlaşdırarsa, biz bunu ikitərəfli formatda, yəni Arsax tərəfilə Rusiya sülhməramlıları arasında müzakirə edə bilərik. Ancaq Azərbaycan tərəfinin bu nəzarət proseduruna çıxışı olmamalı, texniki nəzarət vasitələrindən məlumat əldə etmək imkanlarına malik olmamalıdır", - Qazaryan Ermənistan İctimai Televiziyasına müsahibəsində deyib.
Xatırladaq ki, Laçın yolunda rentgen skanerlərinin quraşdırılmasının mümkünlüyü barədə ilk dəfə 2022-ci ilin dekabrında sülhməramlı qüvvələrin komandanı general Volkov bildirib.
İndiki təklifi fevralın 28-də Bakıda keçirilən mətbuat konfransında Rusiyanın Xarici İşlər Nazirliyinin rəhbəri Sergey Lavrov irəli sürüb.
Azərbaycan tərəfi hesab edir ki, Laçın yolunda nəzarət-buraxılış məntəqəsi Bakının nəzarəti altında olacaq, sülhməramlılar isə ümumi təhlükəsizliyi təmin edəcəklər. 0
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz