Qarabağ münaqişəsi Azərbaycanın Avropaya inteqrasiyasına mane olur

“Körpü salınması” beynəlxalq konfransı Azərbaycanın Avropaya inteqrasiyası məsələsində fikir ayrılıqları olduğunu göstərib. Bakı yaxınlığında Jumeirah Bilgah otelində keçirilən konfransda Avropa və Azərbaycan məmurları və parlamentariləri iştirak edir.

Onların fərdi mövqeləri rəsmi dairələrin avrointeqrasiya mövzusuna yanaşması kimi qiymətləndirilə bilər.

Fikir ayrılığı Avropa dəyərləri prinsiplərindən və Azərbaycan tərəfin ölkənin demokratik dövlətə çevrilməsi üçün irəli sürdüyü şərtlərdən keçirdi.

“Avropa yolunda əməkdaşlıq” mövzusunda ilk panel iclasında Avropa Komissiyasının eks-prezidenti Jak Santer və Niderlandın keçmiş dövlət naziri Van Yeekelen Villen şəxsiyyət azadlıqlarına, insan hüquqlarına riayət olunması barədə Azərbaycanın Avropaya irəliləməsi platforması kimi danışırdılar.

Öz növbəsində, Milli Məclisin sədr müavini Bahar Muradov və xarici işlər nazirinin müavini Mahmud Məmmədquliyev islahatlar keçirilməsini Qarabağ münaqişəsinin həlli ilə əlaqələndirib.

Azərbaycan tərəfi ikili standartlardan söz açaraq, Avropa Parlamentini və Aİ-nin digər qurumlarını Cənubi Qafqazda münaqişələrin qiymətləndirilməsində qeyri-obyektivlikdə ittiham edib. “Aİ Rusiyanın Gürcüstan ərazilərinin bir hissəsini işğal etdiyini etiraf edir və onların azad edilməsində israr edir, Avropa İttifaqı isə Ermənistanın işğal etdiyi Azərbaycan ərazilərinin azad edilməsini tələb etmir”, deyə deputat Fazil Mustafa bildirib.

Santer xatırladıb ki, Avropa Parlamenti Azərbaycan ərazilərinin işğal edilməsi faktını etiraf edirdi, Van Yeekelen Villen isə çıxılmaz münaqişəyə yanaşmanı dəyişdirməyi, yəni danışıqlar prosesinə yeniliklər gətirməyi və münaqişənin nizamlanmasında alternativ yollardan getməyi məsləhət görüb. 

Türkiyənin keçmiş baş naziri Mesut Yılmaz da avropalılara ikili standartları xatırladaraq, Qarabağ probleminə Türkiyənin Avropa İttifaqına daxil olması məsələsinin uzadılmasını əlavə edib. O, həmçinin qeyd edib ki, Ankaranın da maraqlı olduğu Ermənistanla normal münasibətlərin qurulması Azərbaycanın işğal edilmiş ərazilərinin azad edilməsindən keçir. “Biz qardaş xalqlarıq və bu mövqedən imtina etməyəcəyik”, deyə o bildirib.

Eyni zamanda, müzakirələr göstərib ki, Avropa emissarları hesab edirlər ki, qərb dəyərləri prioritet olaraq qalır və hər şey Azərbaycanın nə dərəcədə sürətli hərəkət edəcəyindən asılıdır. Buna cavabda konfrans təşkilatçılarından biri, Vətəndaş Cəmiyyətinin İnkişafına Yardım Assosiasiyasının sədri Elxan Süleymanov qeyd edib ki, Avropada qatarlar 150-300 km/saat sürətlə, Azərbaycanda isə 60-80 km/saat sürətlə hərəkət edir və təsərrüfatı yenidən qurmaq üçün zaman tələb olunacaq. -0-