Qarabağda vəziyyət gərginləşib
Bakı/07.04.02/Turan: Dağlıq Qarabağda aprelin 14-nə təyin edilən “prezident seçkiləri”nin ikinci turuna etirazlar fonunda son sutkalar bölgədə ictimai-siyasi vəziyyət gərginləşib.
Xankəndidə bir qrup şəxs mitinq keçirərək 31 mart “parlament və prezident seçkilərinin” nəticələrinin ləğvini tələb edib. Nümayişçilər hazırkı rejimin rəhbəri Bako Saakyanın, polis rəisi Levon Mnatsakanyanın və separatçı rejimin digər rəhbərlərinin istefasını tələb ediblər. Onlar 31 mart seçkisini “hakimiyyəti ələ keçirməyə uğursuz cəhd” hesab edirlər.
“Biz hakimiyyətdən seçkilərin nəticələrini ləğv etməyi, ikinci tur yox, təkrar seçkiləri elan etməyi tələb edirik. Bu rüsvayçı seçkilər ləğv edilməlidir”, -. İnqilab Partiyasının lideri Osipyan bildirib.
Onun bir neçə yüz tərəfdarı şəhərdəki meydanlardan birində toplaşaraq Bako Saakyan, Levon Mnatsakanyan və Arşavir Qaramyanın istefasını tələb ediblər.
Koronavirus pandemiyası və onun yayılması ilə bağlı narahatlığını ifadə edən müxalifətçi qeyd edib ki, hakimiyyət fövqəladə vəziyyət elan etməli və seçkiləri ləğv etməlidir. O, Bako Saakyanın komandasının seçkilərin ikinci turunu Araik Arutyunyanın lehinə saxtalaşdırmaq planlarını açıqlayıb.
Bir neçə polis əməkdaşı toplaşanları dağıtmağa çalışıb, lakin onları dinləməyiblər. Araik Arutyunyanın tərəfdarları hadisə yerinə gəliblər, lakin etirazçılarla ciddi qarşıdurma olmayıb.
Toplaşanlar bildiriblər ki, ikinci turun ləğvi və Bako Saakyanın istefası tələbilə etiraz aksiyaları davam edəcək.
Xatırladaq ki, ilk turda Qarabağın keçmiş “hökumət başçısı” Araik Arutyunyan 49,26% səslə qalib gəlib, ancaq qələbə üçün minimum 50% tələb olunur. İkinci yerdə Qarabağın “xarici işlər naziri” Masis Mailyan gəlir - 26.4%.
Ötən gün M.Mailyan Qarabağ əhalisini ikinci turda səsvermədən imtina etməyə çağırıb. O, öz çağırışını koronavirusun yayılması və birinci turda saxtalaşdırmanın olması ilə əsaslandırıb.
Müşahidəçilərin rəyləinə görə, Ermənistanda və Qarabağda vəziyyət müxtəlif siyasi qüvvələr arasında açıq toqquşmalara səbəb ola bilər. İkinci turdan əvvəlki və 14 apreldən sonrakı həftədə bu suallara cavab veriləcək.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz