Bakı/25.02.20/Turan: Mədən sənayesində şəffaflığın artırılması üzrə QHT Koalisiyası fevralın 9-da 76 saylı Lənkəran-Astara dairəsində seçki komissiyasının üzvü, BDU-nun hüquq fakültəsinin tələbəsi Jalə Bayramovanın vəhşicəsinə döyülməsini pisləyib.
Koalisiyanın bəyanatında deyilir ki, J.Bayramova tanınmış iqtisadçı Qubad İbadoğlunun qızıdır. Qızın vəhşicəsinə döyülməsini əks etdirən videogörüntülər sosial şəbəkələrdə geniş yayılıb, lakin çoxsaylı müraciət və şikayətlərə baxmayaraq, heç bir tədbir görülməyib.
Bundan əlavə, MSK rəhbəri Məzahir Pənahov insidentdə J.Bayramovanın özünü günahlandırıb və onun səsvermə zamanı pozuntuları videoya çəkmək hüququnun olmadığını bildirib.
Koalisiya insidentin obyektiv araşdırılmasını və qıza hücum edən Azadə Kərimovanın 160-cı maddə (seçki komissiyasının fəaliyyətinə müdaxilə) və 315-ci maddə (hakimiyyət nümayəndəsinə qarşı müqavimət göstərmə və ya zor tətbiq etmə) ilə cinayət məsuliyyətinə cəlb olunmasını tələb edir.–06D-
Siyasət
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Almaniyanın xarici işlər naziri Annalena Berbok COP29-da iqlim dəyişikliyilə bağlı mübarizənin maliyyələşdirilməsi məsələsində Bakının mövqeyini haqsız hesab edib.
-
Noyabrın 25-də Qafqaz Müsəlmanları İdarəsinin sədri, şeyxülislam Allahşükür Paşazadə Birləşmiş Millətlər Təşkilatı Sivilizasiyalar Alyansının 10-cu Qlobal Forumunda iştirak etmək üçün Portuqaliyaya gedir. Bu barədə Qafqaz Müsəlmanları İdarəsinin məlumatında deyilir.
-
Milli Məclis bazar ertəsi payız sessiyası çərçivəsində plenar iclas keçirir. İclasda 2025-ci il dövlət büdcəsi haqqında qanun layihəsi və mövcud qanunvericiliyə təklif edilən dəyişikliklər müzakirə olunur.
Rəy yaz