![QMİ nümayəndə heyəti vətənə dönüb](https://turan.az/resized/750/500/resize/media/2013/main/092600051241.jpg)
QMİ nümayəndə heyəti vətənə dönüb
Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə sentyabrın 26-sı Qazaxıstandan vətənə dönüb. Bu xəbər Turan-a QMİ-dən verilib.
QMİ nümayəndə heyəti Qazaxıstan paytaxtı Astanada keçirilən “Astana Qurultaylarının sivilizasiyaların dialoqunda rolu” mövzusunda beynəlxalq elmi-praktik konfransda iştirak edib.
Konfransdan öncə QMİ sədri A.Paşazadə Qazaxıstan Parlament Senatının sədri Kayrat Mami ilə görüşüb. K.Mami bu ilin aprelində Bakıda keçirilmiş MDB Müsəlmanları Məşvərət Şurasının “MDB müsəlmanları sülh və stabil inkişaf tərəfdarıdırlar” mövzusunda beynəlxalq konfransın əhəmiyyətini xüsusi vurğulayıb. Qardaş xalqlar arasında dini-mənəvi əlaqələrin daha da inkişaf etdirilməsinin vacibliyi qeyd olunub.
Sentyabrın 25-də Şeyxülislam Allahşükür Paşazadə “Astana Qurultaylarının sivilizasiyaların dialoqunda rolu” mövzusunda beynəlxalq elmi-praktik konfransın açılış mərasimində çıxış edib. A.Paşazadə indiyədək keçirilən 4 Astana Qurultayının tarixi əhəmiyyəti, keçirilməsi təşəbbüsünün mahiyyəti haqda danışıb. Dinlərarası dialoqa dair Azərbaycan və Qazaxıstanın dünya çapında dəyərli təşəbbüslərlə çıxış etmələrini, multikulturalizm ideyalarına sadiqliklərini vurğulayıb. A.Paşazadə insanlığın ümumi yaşam məkanı olan dünyanı tolerantlıq məkanı kimi tanıtmağın zərurətini qeyd edərək, birgə tədbirlər keçirilməyin zərurətini xüsusi nəzərə çatdırıb.
Elə həmin gün A.Paşzadə Qazaxıstanın Dini İşlər üzrə Dövlət Agentliyinin rəhbəri Kayrat Lama Şəriflə, Qazaxıstan Müsəlmanları Ruhani İdarəsinin sədri, Müfti Yerjan Mayamerovla görüşüb. Son olaraq, nümayəndə heyəti Qazaxıstan Parlament Senatının sədri K.Mami tərəfindən verilən ziyafətə qatılıb. -05D-
Siyasət
-
İyulun 31-də Bakı Apellyasiya Məhkəməsində talış tədqiqatçısı İqbal Əbilovun həbsindən verilən şikayətə baxılıb.
-
Çərşənbə günü xarici işlər naziri Ceyhun Bayramov ATƏT-in Demokratik Təsisatlar və İnsan Haqları Bürosunun Seçkiləri Müşahidə Missiyasının rəhbəri Ditmir Buşatini qəbul edib.
-
Milli Məclisin sabiq deputatı Hüseyn Abdullayevin cinayət işi üzrə ibtidai istintaq başa çatıb.
-
“Məhbusları çarmıxa çəkib döyür, dəhlizlərdəki "reşotka"lardan asırlar“- “Abzas Media” nəşrinin direktoru Ülvi Həsənli 6 ayda təcridxanada gördüklərindən yazır.
Rəy yaz