Qubad İbadoğlunun stasionar müayinəyə və müalicəyə ehtiyacı var
Qubad İbadoğlunun stasionar müayinəyə və müalicəyə ehtiyacı var
Fevralın 13-də vəkil Zibeydə Sadıqova Bakı İstintaq Təcridxanasında Azərbaycan Demokratiya və Rifah Partiyasının (ADRP) sədri, iqtisadçı alim Qubad İbadoğlu ilə görüşüb. Bu barədə Turan-a alimin qardaşı Qalib Bayramov bildirib.
Onun sözlərinə görə, İbadoğlunun vəziyyətində müsbət dəyişiklik yoxdur. "Onun qanındakı şəkərin yüksək səviyyədə olması bizi çox narahat edir. Bu, daxili orqanların funksiyalarının pozulmasına gətirib çıxara bilər.
Dünən ona ətraflarda sinir uclarının zədələnməsi ilə əlaqədar üçüncü dəfə sistem qoşulub", deyə Bayramov qeyd edib.
Hazırda İbadoğlu ürəyindəki problemləri aşkar etmək üçün damarların angioqrafik müayinəsindən keçməlidir. Bunun üçün Ədliyyə Nazirliyinin Baş Tibb İdarəsinə müraciət olunacaq, deyə siyasətçinin qardaşı bildirib. O, həmçinin indiyədək İbadoğlunun vəkilləri ilə telefon söhbətinə qoyulmuş qadağanın götürülmədiyini bildirib.
Ədliyyə Nazirliyinin Penitensiar Xidmətindən, Bakı İstintaq Təcridxanasından və istintaq orqanından şərh almaq mümkün olmayıb.
Bu yaxınlarda Ümumdünya Azadlıq Konqresi (World Liberty Congress) Qubad İbadoğlunun səhhətindəki problemlərə diqqət çəkmək məqsədilə dünya ictimaiyyətinə müraciət edib.
Konqres Azərbaycan hakimiyyətini professor İbadoğluna keyfiyyətli tibbi yardım göstərməyə çağırıb və onun sağlamlığına görə bütün məsuliyyətin "hakim rejimin" üzərinə düşdüyünü bildirib.
* Xatırladaq ki, İbadoğlu saxta pulların hazırlanması və dini-ekstremist materialların yayılması ittihamı ilə (204.3.1 və 167.3.1-ci mad.) həbs olunub. Bu ittihamlarla onu 17 ilədək azadlıqdan məhrumetmə cəzası gözləyir.
Hüquq müdafiəçiləri İbadoğlunu siyasi məhbus kimi tanıyıblar. Onun həbsinin əsl səbəbi Azərbaycan hakimiyyətinin yüksək eşelonlarında korrupsiya faktlarını ifşa etməsidir.
-
- Maliyyə
- 14 Fevral 2024 12:39
Siyasət
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
-
1 saylı Bakı İstintaq Təcridxanasının sanitariya hissəsində saxlanılan iflic, birinci qrup əlil olan fəal Famil Xəlilov oktyabrın 2-dən etibarən quru aclığa keçib.
Rəy yaz