![RATİ: Bu qərar siyasi motivlidir](https://turan.az/resized/media/2017/main/072600003386-750-500-resize.webp)
RATİ: Bu qərar siyasi motivlidir
Bakı/26.07.17/Turan: Reportyorların Azadlıq və Təhlükəsizlik İnstitutu (RATİ) "Azadlıq" qəzetinin icraçı direktoru Faiq Əmirliyə qarşı azadlıqdan məhrumetmə qərarını pisləyəyən bəyanat yayıb.
RATI məhkəmə qərarını siyasi motivli sayaraq, hakimiyyəti F.Əmirlini dərhal azad etməyə, "Azadlıq" qəzetinə qarşı təqiblərə son qoymağa çağırır.
Sənəddə deyilir ki, ittiham tərəfi F.Əmirlinin ABŞ-da yaşayan Türkiyə ilahiyyatçısı Fətullah Gülənin "Hizmət" hərəkatına bağlılığını sübut edə bilməyib, amma bununla belə onu imam kimi təqdim edib.
"Məhkəmənin monitorinqi göstərdi ki, 2016-cı il avqusutun 20-də F.Əmirlini həbs edən hakimiyyət, istintaq, məhkəmə irəli sürülmüş ittihamları sübut edəcək heç bir dəlil ortaya qoymayıb".
RATİ son illər "Azadlıq" qəzetinə təzyiqlərin artdığını xatırladaraq F.Əmirlinin həbsinin əsas səbəbi kimi qəzeti bağlanmağa məcbur etmək olduğunu vurğulayır.
Sənəddə xatırladılır ki, qəzetin çapI dayanmazdan öncə yayım firması qəzetə olan 60 min manat məbləğindəki borcunu ödəməkdən imtina edib. Bununla da qəzetin onsuz da ağır olan maliyyə durumunu daha da çətinləşdirib.
"F.Əmirlinin 2016-cı il avqustun 20-də həbsindən iki həftə sonra, "Azadlıq" qəzetinin nəşri dayanıb, qəzetin saytı rəsmi qurumlar tərəfindən bloklanıb".
RATİ "Azadlıq" qəzeti ətrafında cərəyan edən hadisələri Azərbaycanın müasir müstəqil mətbuatının dözülməz dərəcədə çətin bir tarixi dönəmə olduğunubn göstəricisi kimi qiymətləndirir.
Bəyanatda qəzetdə çalışan bir neçə aparıcı jurnalistin həbsdə olması, hətta xaricdə fəaliyyət göstərən jurnalistlərin ailə üzvlərinin təzyiqlərə məruz qaldığı vurğulanır.
RATİ müstəqil media və jurnalistlərə qarşı repressiyaya son qoyulması, həbsdə olan jurnalistlərin azadlığa buraxılmaları üçün ATƏT, Avropa Şurası, BMT, ABŞ və Avropa Birliyini Azərbaycan hakimiyyətinə təzyiq göstərməyə çağırır.
F.Əmirli 2016-cı il avqustun 20-də saxlanılıb, avtomobilində axtarış zamanı Fətullah Gülənin kitbları tapıldığı bildirlib. Ona qarşı dini ayrı-seçkilik salmaq, həbsindən sonra isə vergidən yayınmaq, vəzifə səlahiyyətindən sui-istifadə ittihamları irəli sürülb. F.Əmirli ittihamları qəbul etmir və "gülünc" adlandırır.
F.Əmirli iyulun 24-də Bakının Səbael Rayon Məhkəməsi tərəfindən dini nifrətin salınması və vergidən yayınma ittihamları ilə 3 il 3 ay müddətinə azadlıqdan məhrum edilib. Həbs cəzası ilə yanaşı, məhkəmə Əmirlinin 39050 manat məbləğində cərimə ödəməsi barədə də qərar çıxarıb.-0-
-
- İqtisadiyyat
- 26 İyul 2017 15:03
-
- Siyasət
- 26 İyul 2017 15:44
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz