RATİ müxalifətin aksiyası zamanı jurnalistləri döyən polisləri cəzalandırmağı tələb edir
Reportyorların Azadlıq və Təhlükəsizlik İnstitutu (RATİ) öz bəyanatında şənbə günü Bakının mərkəzində keçirilmiş müxalifətin mitinqi zamanı media nümayəndələrinə qarşı düşünülmüş və planlaşdırılmış hücumu qətiyyətlə pisləyir. 20-dən çox jurnalist polis tərəfindən saxlanılıb və aksiyanın keçirildiyi yerlərə buraxılmayıb.
Bundan başqa, aksiya zamanı “Yeni Müsavat” qəzetinin əməkdaşı Fərahim İlqaroğlu, Turan agentliyinin fotomüxbiri Etimad Budaqov, “Mediaforum” saytının işçisi Amid Süleymanov və RATİ reportyoru Rasim Əliyev fiziki təzyiqə məruz qalıblar.
Onlar hamısı üzərində “Press” yazılan fərqləndirici jilet geymişdilər. Lakin bu, polislərin jurnalistləri əl və ayaqla döyməsinə mane olmayıb.
RATİ hakimiyyəti jurnalistlərə qarşı zorakılıq törətmiş polisləri cəzalandırmağa, gələcəkdə belə hallara yol verməməyə çağırır. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz