![Rauf Mirqədirovun ailəsi Avropada yerləşib](https://turan.az/resized/750/500/resize/media/2014/main/062000082106.jpg)
Rauf Mirqədirovun ailəsi Avropada yerləşib
“Sərhədsiz reportyorlar”, Human Rights Watch и Turkish Human Rights ( İnsan Hakları Derneği) təşkilatlarının birgə səyləri ilə həbsdə olan jurnalist Rauf Mirqədirovun həyat yoldaşı və iki uşağı Avropa ölkələrinin birində müvəqqəti olaraq sığınacaq alıb.
Məlum olduğu kimi, R.Mirqədirov Bakıya deportasiya edilməzdən öncə (18 aprel) Türkiyə hakimiyyəti onu jurnalist akkreditəsindən, həyat yoldaşını iş hüququndan məhrum edib. Bundan sonra xanımın visasını uzatmaqdan imtina ediblər və ölkəni tərk etməsini tələb ediblər.
İyunun 16-ı sonuncu gün olub və ailə həmin gün Türkiyədən çıxa bilib. Lakin gediş elə də asan olmayıb. Ailə İstanbul aeroportunda pasport nəzarətində saxlanılıb və təyyarəyə gecikib.
Lakin “Sərhədsiz reportyorlar”ın operativ səyləri nəticəsində yeni biletlər alınıb və ailə gecə reysi ilə rahat uçub.
Turan-a məlum olub ki, ailə Ankarada olduğu müddətdə R.Mirqədirovun xanımı və uşaqlar daim polis nəzarətində olub. Onların yaşadıqları mənzildə axtarış aparılıb.
R.Mirqədirovun xanımı bir neçə dəfə dindirilib. Birinci dəfə Bakıdan olan müstəntiqlərin iştirakı ilə Raufun ermənilərlə əməkdaşlığının izləri axtarılıb. Onlar maddi sübut kimi ailə fotosunu, sənədləri və onların surətlərini, kompüter disklərini və jurnalistin qızının planşetini götürüblər.
Daimi mənəvi təzyiqlər səbəbindən ailə mənəvi və maddi baxımdan ağır durumda olub, belə ki, qadın işdən çıxarılıb və iş hüququndan məhrum edilib.
Humanitar viza və R.Mirqədirova qarşı istintaqın davam etməsi ailəyə daimi siyasi sığınacaq almaq hüququnu verir.
Jurnalistin xanımı Turan agentliyinin vasitəsilə göstərilən yardıma və dəstəyə görə beynəlxalq hüquq-müdafiə təşkilatlarına təşəkkürünü bildirib.-02В-
-
- Siyasət
- 20 İyun 2014 17:14
Siyasət
-
"Enerji sahəsində Bakıda müəyyənləşdirdiyimiz strateji tərəfdaşlıq bizim Avropaya qaz təchizatımızın 2027-ci ilin sonuna qədər ikiqat artırılmasını nəzərdə tutur". Bu barədə Azərbaycan prezidenti İlham Əliyev iyulun 18-də Oksfordda "Avropa Siyasi Birliyi"nin 4-cü Zirvə toplantısı çərçivəsində "Enerji və bağlantı" mövzusunda dəyirmi masada çıxışında bildirib.
-
Azərbaycan prezidenti İlham Əliyev və AFR kansleri Olaf Şolts iyulun 18-də Oksfordda Avropa Siyasi Birliyinin zirvə toplantısı çərçivəsində keçirdikləri görüşdə Bakı və Yerevan arasında normallaşma prosesini müzakirə ediblər.
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
Rəy yaz