İyunun 28-də Bakıda ATƏT-in Parlament Assambleyasının 23-cü illik sessiyası açılacaq.Tədbir Feyrmont otelinin Konqres Mərkəzində olacaq.
ATƏT PA-nın mətbuat xidmətinin məlumatında deyilir ki, beşgünlük müzakirələrdə, debatlarda və Bakı bəyannaməsinin qəbulunda müxtəlif ölkələrdən 300 deputat iştirak edəcək. Bakı bəyannaməsi siyasət, təhlükəsizlik, iqtisadiyyat, ətraf mühitin qorunması və insan hüquqları sahəsində tövsiyələri əhatə edir.
Plenar iclasların açılışında prezident İlham Əliyev, parlamentin spikeri Oqtay Əsədov, ATƏT-in hazırkı sədri, İsveçrənin xarici işlər naziri Didye Burkhalter, RF Dövlət Dumasının rəhbəri Sergey Narışkinin çıxışları gözlənilir.
Ukraynada hadisələrin inkişafı sessiyanın diqqət mərkəzində olacaq, xüsusi müzakirələr iyulun 1-də saat 15:00-da olacaq.
ATƏT PA illik sessiyası KİV üçün açıqdır. Jurnalistlər akkreditə üçün ATƏT PA-nın kommunikasiya üzrə direktoru Riçard Solaşa e-mail göndərməlidir: Richard@oscepa.org.
Sessiya ATƏT PA-nın saytında birbaşa efirdə – www.oscepa.org yayımlanacaq.-02D-
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz