![Rauf Mirqədirovun işi ilə bağlı Avropa Məhkəməsinə şikayət edilib](https://turan.az/resized/750/500/resize/media/2015/main/020200105026.jpg)
Rauf Mirqədirovun işi ilə bağlı Avropa Məhkəməsinə şikayət edilib
Jurnalist Rauf Mirqədirovun məhkəmə qərarı olmadan qanunsuz olaraq iki sutka həbsdə saxlanılması ilə bağlı Avropa İnsan Haqları Məhkəməsinə şikayət göndərilib. Bu barədə vəkil Elmar Süleymanov Turan-a bildirib.
Rauf Mirqədirov 2014-cü il aprelin 19-da Türkiyədən deportasiya olunduqdan sonra saxlanılıb. O, Ermənistanın xeyrinə casusluq etməklə dövlətə xəyanətdə ittiham olunur.
Jurnalist ittihamları rədd edərək, absurd və siyasi motivli hesab edir.
2014-cü il aprelin 21-də məhkəmə jurnalist barəsində 3 ay müddətinə həbs qətimkan tədbiri seçib. İyulun 15-də onun həbs müddəti daha 4 ay uzadılıb. Onun həbs müddəti noyabrın 19-da başa çatmasına baxmayaraq, məhkəmə yalnız noyabrın 20-də Mirqədirovun həbs müddətini 5 ay uzadılıb.
Vəkil Fuad Ağayev isə fevralın 2-də Milli Təhlükəsizlik Nazirliyinin istintaq təcridxanasında saxlanılan Rauf Mirəqdirovla görüşüb.
Vəkil Turan agentliyinə jurnalistin səhhətinin kafi olduğunu bildirib. Onun sözlərinə görə, Mirqədirovla bağlı istintaq hərəkətləri aparılmır.
Rauf Mirqədirov ona “Azadlıq”, “Yeni Müsavat” qəzetlərinin verilməməsindən narahatdır. “Təcridxanada hər gün ona “Azərbaycan”, “Xalq”, “Respublika”, “Yeni Azərbaycan”, “Səs”, “İki sahil” qəzetlərindən biri verilir. Ona hər-hansı müxalif yönümlü qəzet verilmir. Rauf Mirqədirov bundan çox narazıdır”, deyə vəkil qeyd edib. -03B-
-
- Söz istəyirəm
- 2 Fevral 2015 14:35
-
- İqtisadiyyat
- 2 Fevral 2015 15:37
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz