REAL Partiyasının Siyasi Komitəsi İlqar Məmmədovun istefasını qəbul edib
Respublika Alternativi Partiyasının (REAL) Siyasi Komitəsi növbədənkənar parlament seçkilərinin nəticələrili bağlı ilkin müzakirələr aparıb. Seçki prosesi rəsmən başa çatandan sonra onun nəticələrinə və siyasi əhəmiyyətinə digər REAL namizədlərinin iştirakı ilə partiyanın yekun qiymətinin verilməsi qərara alınıb.
Siyasi Komitə İlqar Məmmədovun bu qurumun sədri vəzifəsindən istefası barədə ərizəsini qəbul edib.
Qərara alınıb ki, sədrliyin ötürülməsi işləri 30 sentyabr tarixində başa çatsın və yeni seçiləcək sədr oktyabrın 1-dən fəaliyyətə başlasın.
İlqar Məmmədov Siyasi Komitənin üzvü olaraq qalır və onun partiya işinin bundan sonra hansı istiqamətlərdə olacağı növbəti mərhələdə müəyyən ediləcək.
* Xatırladaq ki, Mərkəzi Seçki Komissiyası saxtalaşdırmaya dair sübutlara baxmayaraq, İlqar Məmmədovun seçki dairəsində parlament seçkilərinin nəticələrinin ləğvilə bağlı şikayəti təmin etmədikdən sonra o, partiya rəhbəri postundan istefa etdiyini bildirib.
Siyasət
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacızadə X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
-
Azərbaycanın Xüsusi Rabitə və İnformasiya Təhlükəsizliyi Dövlət Xidməti 2024-cü ilin ilk 10 ayında kibertəhdidlərlə mübarizə sahəsində əhəmiyyətli irəliləyiş əldə etdiyini və milyonlarla zərərli keçid və elektron sənədin aşkar edilərək bloklandığını bildirib.
-
22 noyabrda dövlət başçısı İlham Əliyev İsrailin Nəqliyyat və Yol Hərəkəti Təhlükəsizliyi naziri Miri Regevi qəbul edib. Miri Regev İlham Əliyevə İsrail Prezidenti İsxak Hersoqun salamlarını çatdırıb.
Rəy yaz