![Rəcəb Tayyip Ərdoğan Rusiya qazından imtina edəcəyilə hədələyir](https://turan.az/resized/750/500/resize/media/2015/main/100800132175.jpg)
Rəcəb Tayyip Ərdoğan Rusiya qazından imtina edəcəyilə hədələyir
Türkiyə prezidenti Rəcəb Tayyip Ərdoğan bildirib ki, Ankara Rusiya qazının alınması məsələsinə yenidən baxa bilər. Belə ki, Rusiya Türkiyənin hava məkanını pozduqdan sonra bu ölkə ilə münasibətlər pisləşib.
“Biz Rusiyadan təbii qaz alan bir nömrəli alıcıyıq. Türkiyənin itirilməsi Rusiya üçün ciddi itkidir. Lazım olarsa Türkiyə ən müxtəlif yerlərdən təbii qaz ala bilər”, - Reuters Türkiyə prezidentindən sitat gətirib.
“Biz hazırki durumla razılaşa bilmərik. Hava məkanının pozulması ilə bağlı Rusiyanın açıqlaması inandırıcı deyil”, - o vurğulayıb.
Ərdoğan qeyd edib ki, Türkiyə Rusiya layihəsi üzrə “Akkuyu” AES-in inşası məsələsinə də yenidən baxa bilər, başqa kimsə gəlib onu tikə bilər”, - Ərdoğan bildirib.
Türkiyə Almaniyadan sonra Rusiya qazını alan həcmcə ikinci böyük alıcıdır. 2014-cü ildə Türkiyə Rusiyadan 27,33 mlrd. kub metr qaz alıb.
Ərdoğanın bəyanatı Rusiyanın Türkiyənin hava məkanını pozduqdan sonra Ankara və Moskva arasında münasibətlərin kəskinləşməsi fonunda səslənib.
Türkiyə hakimiyyəti son üç gündə iki dəfə Moskvanı hava sərhədlərinin pozulmasında ittiham edib. Türkiyə XİN-in məlumatına görə, Rusiya təyyarələri oktyabrın 3 və 4-də Türkiyənin hava məkanını pozublar. Bununla əlaqədar oktyabrın 5-də Rusiya səfirinə etiraz notası təqdim edilib. Oktyabrın 7-də məlum olub ki, Türkiyə hava məkanının pozulmasına görə növbəti dəfə etirazını bildirib. -02D-
-
- Cəmiyyət
- 8 Oktyabr 2015 12:23
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz