İlham Əliyevin  və Seyid İbrahim Rəisi

İlham Əliyevin və Seyid İbrahim Rəisi

Bakı/10.11.23/Turan: Noyabrın 9-da Daşkənddə İqtisadi Əməkdaşlıq Təşkilatının sammiti çərçivəsində Azərbaycan prezidenti İlham Əliyevin İran prezidenti Seyid İbrahim Rəisi ilə görüşü olub.

Azərbaycan prezidentinin mətbuat xidmətinin məlumatına görə, İran prezidenti ikitərəfli münasibətlərin vəziyyətindən məmnunluğunu bildirib. O, həmçinin Azərbaycanı Qarabağın azad edilməsi münasibətilə təbrik edib və İranın azad olunmuş ərazilərdə bərpa işlərində iştirak etməyə hazır olduğunu bildirib.

Rəisinin sözlərinə görə, iki ölkə arasında nəqliyyat layihələri möhkəmlənməyə davam edir.

"Araz çayı üzərindən keçən Ağbənd marşrutu və bizim orada bir-birimizlə razılaşdıraraq həyata keçirdiyimiz layihələr hər iki ölkənin maraqlarına cavab verir. Bu, Azərbaycan, İran və Naxçıvan arasında nəqliyyat əlaqələrinə zəmanət verir və bu sahədəki qayğıları aradan qaldırır", deyə Rəisi bildirib.

"Əminik ki, rəqiblərimizin istəklərinin əksinə olaraq, münasibətlərimiz gündən-günə yaxşılaşır və əlaqələrimizə mane olmaq istəyən ölkələr öz planlarını həyata keçirə bilmir və məyus olur", deyə o, sözünə davam edib.

İlham Əliyev cavab sözündə Rəisi ilə görüşməyinə şad olduğunu bildirib və Azərbaycanın ərazi bütövlüyünün bərpası münasibətilə təbrikinə görə təşəkkür edib.

Əliyev Araz çayı üzərindən nəqliyyat kommunikasiyalarının yaradılmasını böyük perspektivi olan layihə adlandırıb.  

"İkinci Qarabağ müharibəsindən sonrakı üç il ərzində Ermənistan öz öhdəliklərini yerinə yetirməkdən, məhz Azərbaycanın əsas hissəsindən Naxçıvana gediş-gəlişi təmin etməkdən imtina edirdi və imtina etməkdə davam edir. Bu, onların seçimidir, düşünürəm ki, onlar böyük səhvə yol veriblər.

Çox şadam ki, İran və Azərbaycan nümayəndələrinin birgə işi nəticəsində biz Araz çayının cənub sahili boyunca dəmir yolu və avtomobil xətti marşrutunun keçməsini razılaşdırdıq. Əminəm ki, bu layihə qısa müddətdə həyata keçiriləcək və Şimal-Cənub Nəqliyyat Dəhlizinin daha bir istiqamətinə çevriləcəkdir. Yəni, nəticədə bizim iki marşrutumuz olacaq: biri Astara çayı üzərindən, digəri Ağbənd ərazisindən", deyə Əliyev qeyd edib.

"Əvvəlki illərdə də biz regiondankənar qüvvələrin İranla Azərbaycan arasında dostluq münasibətlərinə müdaxilə etmək cəhdlərinin də şahidi olmuşuq. Bu cəhdlər nəticəsiz qaldı. Əminəm ki, indi də düşmənlərimiz öz məqsədlərinə çatmayacaqlar. İran və Azərbaycan bundan sonra da uğurla əməkdaşlıq edəcək və münasibətləri gücləndirəcəklər", deyə Əliyev bildirib.

Görüşdə həmçinin Rəşt-Astara dəmir yolu hissəsinin tikintisi və energetika sahəsində və beynəlxalq təşkiatlar çərçivəsində əməkdaşlıq məsələlərinə toxunulub. 0

Rəy yaz

Siyasət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti