![Rəsmi Bakı: Bizdə işgəncə yoxdur](https://turan.az/resized/750/500/resize/media/2015/main/111300136358.jpg)
Rəsmi Bakı: Bizdə işgəncə yoxdur
Cenevrədə BMT-nin İşgəncələr Əleyhinə Komitəsində Azərbaycanda vəziyyətə dair dinləmələr başa çatıb.
Komitə üzləri və müzakirə iştirakçıları Azərbaycan hökumətinin hesabatını dinləyiblər. Sənədi xarici işlər nazirinin müavini Xələf Xələfov təqdim edib.
Hesabatda son illər penitensiar sistemin təkmilləşdirilməsinə, işgəncələrin qarşısının alınmasına, ölkədə insan hüquqlarının müdafəsinə dair Milli planın reallaşması üzrə görülən tədbirlərdən danışılır.
BMT Komitəsinin rəsmi məlumatında deyilir ki, BMT nümayəndələri Leyla Yunus, İntiqam Əliyev, İlqar Məmmədov və digər siyasi məhbusların taleyi, məhkumlarla pis davranma, cəzaçəkmə müəssisələrində işgəncə və intihar faktları və dgər pozuntularla bağlı Bakı nümayəndə heyətinə çoxsaylı suallar veriblər.
Adəti üzrə rəsmi Bakı nümayəndələri pozuntu və qeyri-insani davranma faktlarını inkar ediblər. Əsasən Leyla Yunusun Kürdəxanı təcridxanasında pis rəftara dair şikayəti rədd edilməsi, onun administrasiya tərəfindən təhqirlərə məruz qalması, müalicə imkanlarının məhdudlaşdırılması qeyd olunub.
Naxçıvan MTN təcridxanasında Turaç Zeynalovun işgəncə nəticəsində ölməsi barədə sualın cavabında nümayəndə heyətinin üzvləri bildiriblər ki, onun işgəncəyə məruz qaldığına heç bir sübut yoxdur, bədənindəki göy ləkələr isə xəstəliyin əlamətləridir.
“Avropa İnsan Hüquqları Məhkəməsinin qərarı olsa da İlqar Məmmədov niyə azad edilmir?” sualının cavabında bildirilib ki, İ.Məmmədov ölkə şəhərlərindən birində iğtişaşlara təhrik edib.
L.Yunusun səhhətinin ağır olmasına baxmayaraq, həbsxanada saxlanması barədə sualın cavabında nümayəndə heyətinin üzvləri bildiriblər ki, şəkər xəstəliyinin olması onun həbsdə həkim nəzarətində qalmasına, xarici dərmanlar almasına imkan verir.
Xatırladaq ki, Bakı nümayəndə heyətinə XİN, DİN, MTN, Ədliyyə Nazirliyi və digər dövlət orqanlarının rəhbər şəxsləri daxildir.16D-
-
- İqtisadiyyat
- 13 Noyabr 2015 15:59
-
- Siyasət
- 13 Noyabr 2015 16:58
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz