Bakı/26.09.18/Turan: Ermənistanın yeni rəhbərliyinin avantüra xarakterli addımları və cəfəng fikirləri Ermənistan-Azərbaycan münaqişəsinin nizamlanması prosesinin iflic hala salınmasına xidmət edir. Prezident Administrasiyasının xarici siyasət məsələləri şöbəsinin müdir müavini Hikmət Hacıyev Ermənistanın baş naziri Nikol Paşinyanın BMT Baş Assambleyasının sessiyasındakı çıxışını belə şərh edib.
"Ermənistanın baş naziri Nikol Paşinyan Yerevan küçələri ilə BMT Baş Assambleyasının kürsüsünü qarışıq salıb. O, yenə də beynəlxalq ictimaiyyəti uğursuz şəkildə aldatmağa cəhd göstərib. Dövlət çevrilişi yolu ilə hakimiyyətə gəlməsini, diktaturanın qurulmasını demokratiya kimi təqdim etmək cəhdləri gülüncdür", - H.Hacıyevin şərhində deyilir.
N.Hacıyev diqqəti ona yönəldib ki, N.Paşinyan Azərbaycana qarşı əsassız ittihamlar irəli sürüb.
"Ermənistanın baş naziri sələflərinin siyasətini davam etdirərək təxribatçı və hərbi avantüra xarakterli addımları, ziddiyyətli və cəfəng fikirləri ilə danışıqlar prosesinin iflic hala salınmasına xidmət edir.
Bundan əlavə, Ermənistan baş naziri BMT-nin mənzil-qərargahında olduğu halda münaqişənin həllinin siyasi-hüquqi əsasını təşkil edən BMT Təhlükəsizlik Şurasının qətnamələrinin üzərindən qəsdən sükutla keçir", - o bildirib.
Münaqişənin həllində irəlilyiş əldə etmək üçün Ermənistan BMT Təhlükəsizlik Şurasının qətnamələrinin tələblərinə əməl etməli və öz qoşunlarını Azərbaycanın işğal olunmuş ərazilərindən çıxarmalı, məcburi köçkünlərin öz doğma yurdlarına qayıtmasına maneələrə son qoymalı, beynəlxalq öhdəliklərə əməl etməlidir, məlumatda deyilir.
BMT Baş Assambleyasında Paşinyan Qarabağ münaqişəsilə bağlı hərbi ritorika ilə çıxış edib. O, Azərbaycanı münaqişənin hərbi yolla həlli cəhdində, Dağlıq Qarabağla birbaşa danışıqlardan imtina etməkdə, DQ Azərbaycanın tərkibində qalarsa Qarabağ ermənilərinin soyqırımı ilə təhdid etməkdə ittiham edib.
Eyni zamanda Paşinyan söylədiklərinə zidd olaraq münaqişənin bütün tərəflərin maraqları nəzərə alınmaqla kompromis əsasında nizamlanmasına çağırıb.-0---
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz