Rəsul Cəfərov Front Line Defenders mükafatına namizədlərin sırasındadır

Front Line Defenders beynəlxalq təşkilatı bu gün 2015-ci il üçün laureatları elan edəcək.

Tədbir İrlandiyanın paytaxtı Dublində meriyada olacaq.

Laureat beş finalçının arasından seciləcək. Onların sırasında  azərbaycanlı hüquq müdafiəçisi Rəsul Cəfərov, Çindən Qo Feyson, Meksikadan Xuan Karlos Flores Solis, misirli Yara Salam və ekvadorlu Dayan Mari Rodriqes Sambrano var.

Onların hamısı ya həbsdədir, ya da başqa şəxslərin hüquqlarının müdafiəsilə bağlı gizli fəaliyyət göstərir.

  Hər il Front Line Defenders mükafatı öz ölkəsində insan hüquqlarının müdafiəsinə töhfə verən şəxsə təqdim olunur.

  Təşkilatın məlumatında deyilir ki, R.Cəfərov Azərbaycanda şübhəli ittihamlarla həbs olunan ən tanınmış hüquq müdafiəçilərindən biridir.

İxrisasca hüquqşünas olan R.Cəfərov İnsan Haqları Klubunun rəhbəri və “Demokratiya naminə incəsənət” hüquq-müdafiə kampaniyasının koordinatoru olub.

Həmçinin o, siyasi repressiyalara qarşı bir sıra kampaniyanın – 2012-ci ildə Eurovizion mahnı müsabiqəsi ərəfəsində keçirilən “Demokratiya naminə oxu!” - iştirakçısı olub. 2015-ci il aprelin 16-da R.Cəfərov 6,5 il müddətinə azadlıqdan məhrum edilib. Sonradan həbs müddəti üç ay azaldılıb.–06D--