• flag_EN
    • flag_RU

Son yenilənmə

(10 saat əvvəl)
RF, ABŞ və Fransa liderlərinin Qarabağa dair birgə bəyanatı
A- A A+
Turan İnformasiya Agentliyi
Turan İnformasiya Agentliyi

RF, ABŞ və Fransa liderlərinin Qarabağa dair birgə bəyanatı

Dağlıq Qarabağ münaqişəsinin nizamlanması ilə məşğul olan ATƏT-in Minsk Qrupunun həmsədr ölkələri Rusiya, Fransa və ABŞ münaqişə tərəflərinin danışıqlar prosesi zamanı problemin həlli yolunu tapa bilmədiyinə görə dərin təəssüf hissi keçirirlər. 

 
  “RİA-Novosti” qeyd edir ki, bu mövqe üç ölkə prezidenti – Vladimir Putin, Barak Obama və Fransua Ollandın “Böyük səkkizlər”in sammitindı qəbul etdikləri bəyanatda əksini tapıb.
 
  “Biz tərəflərin danışıqlar prosesi zamanı qarşılıqlı maraqlara əsaslanan qərar tapmaq əvəzinə, birtərəfli fayda əldə etmək cəhdlərini davam etdirmələrindən dərin təəssüf hissi keçiririk”, - sənəddə vurğulanır.
 
  “Əminik ki, hərtərəfli sülh nizamlanmasına aparan balanslaşdırılmış çərçivə razılaşmasının əldə olunmasında sonrakı ləngimə qəbuledilməzdir. Ermənistan və Azərbaycan liderlərini yenilənən enerji ilə əsas diqqəti hələ də açıq qalan məsələlərin həllinə yönəltməyə çağırırıq”, - həmsədrlər qeyd edirlər. 
 
  Prezidentlər əmin olduqlarını bildiriblər ki, son dörd ildə bu məsələ ilə bağlı onlar tərəfindən verilən bəyanatlar Dağlıq Qarabağ münaqişəsinin ədalətli və davamlı nizamlanması üçün əsas olmalıdır. 
 
  Üç ölkənin liderinin fikrincə, bu vəziyyətə vahid məqsədlə baxmaq lazımdır. Çünki onlardan birini digərindən üstün tutmaq üçün istənilən cəhd balanslaşdırılmış həllin qəbulu imkanını istisna edir.
 
  “Biz bütün tərəflərin rəhbərlərini, xüsusilə də güc tətbiq etməmə və ya güc tətbiqi təhlükəsi, ərazi bütövlüyü, hüquq bərabərliyi və xalqların öz müqəddəratını təyinetmə hüququ prinsipləri daxil olmaqla, Helsinki prinsiplərinə bir daha sadiq olduqlarını təsdiqləməyə çağırırıq”, - bəyanatda deyilir.06D--
 

Rəy yaz

Siyasət

Bizi sosial şəbəkələrdə izləyin

Xəbər lenti