
глава МИД РФ Сергей Лавров
RF XİN başçısı Qarabağın münaqişənin nizamlanması üzrə danışıqlarda iştirakı haqqında
Moskva/02.11.18/Turan: Ermənistanda siyasi vəziyyət sabitləşmədən Dağlıq Qarabağda vəziyyətin nizamlanması üzrə ciddi şəkildə razılaşmaəldə etmək, çətin ki, mümkün olsun, RF XİN başçısı Sergey Lavrov belə hesab edir.
"Ermənistan baş naziri səlahiyyətlərini icra edən şəxs və Azərbaycan prezidenti arasında Düşənbə görüşündə əldə edilmiş razılaşma əlaqələri davam etdirməkdən, xarici işlər nazirlərinin görüşməsindən və əlbəttə ki, Ermənistanın da, Azərbaycanın da ATƏT-in Minsk Qrupu həmsədrləri ilə işləməyə hazır olmasından ibarət idi. Biz bu razılaşmanı alqışlayırıq", deyə Lavrov noyabrın 2-də Moskvada keçirilən mətbuat konfransında bildirib.
"Başa düşürük ki, hazırda müşahidə etdiyimiz kifayət qədər qızğın daxili siyasi proseslər yekunlaşmadan bu böhrandan konkret çıxış variantlarına ciddi şəkildə baxmaq və Dağlıq Qarabağ münaqişəsinin tam şəkildə nizamlanmasını təmin etmək, çətin ki, mümkün olsun", deyə o əlavə edib.
Lavrov danışıqlar formatının dəyişməsi ehtimalına şübhə ilə yanaşdığını bildirib. "Hazırki ikitərəfli formatı dəyişdirmək üçün hər iki tərəfin razılığı tələb olunur. Bildiyimiz qədər, belə bir razılıq yoxdur", deyə o, Dağlıq Qarabağın danışıqlara cəlb edilməsi mümkünlüyü barədə suala cavabda bildirib.
Bu məsələni münaqişə tərəfləri özləri həll etməlidir. "Vaxtilə Qarabağ nümayəndələri Bakı və Yerevanın danışıqlarında iştirak ediblər. Ermənistan rəhbərliyinin təklifi ilə bu təcrübə dəyişdirilib və uzun illərdir danışıqlar birbaşa yalnız Ermənistan və Azərbaycan arasında aparılır", deyə Lavrov qeyd edib. -02D-
Siyasət
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
Turan İnformasiya Agentliyinin Təkzibi
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
Rəy yaz