RF XİN Qarabağla bağlı sammit keçirir?

Sankt-Peterburqda Dağlıq Qarabağda vəziyyətin nizamlanması üzrə üçtərəfli sammit keçiriləcək. Bu barədə RF XİN-in məlumatından aydın olur.

Belə ki, RF xarici işlər nazirinin müavini Qriqori Karasin Fransa səfiri Jan- Moris Riper və ATƏT-in Minsk Qrupunun fransalı həmsədri Pyer Andrie ilə görüşə hazırlıq məsələsini  müzakirə edib.

Görüşün vaxtı və gündəliyi dəqiqləşdirilmir. Ötən gün Ermənistan prezidenti Serj Sarkisyan bildirib ki, belə görüş hazırlanır, lakin rəsmi Bakı buna reaksiya verməyib.

Görüş barədə şifahi razılaşmanı mayın 16-da Vyanada tərəflər təsdiqləyib. Tərəflər ATƏT-in fəaliyyətdə olan sədrinin şəxsi nümayəndəsinin rəhbərliyi ilə ATƏT missiyasının səlahiyyətlərinin genişləndirilməsi və cəbhə xəttində inam tədbirlərinin möhkəmləndirilməsi üzrə  addımların müzakirəsinə də razılaşıblar.

Lakin Vyana görüşündən sonrakı müddətdə tərəflər sərt bəyanatlarla çıxış edərək bir-birinə qarşı təhqiredici ittihamlar irəli sürüblər.-02В-