![R.İbrahimbəyov: Avrointeqrasiyanın alternativi yoxdur](https://turan.az/resized/media/2013/main/053000038018-750-500-resize.webp)
R.İbrahimbəyov: Avrointeqrasiyanın alternativi yoxdur
Azərbaycan Ziyalılar Forumunun həmtəsisçisi, kinodramaturq Rüstəm İbrahimbəyov Turan-a bəzi KİV-lərdə onun Avrointeqrasiya əleyhdarı kimi təqdim edilməsi ilə bağlı bəyanat göndərib.
Qeyd edək ki, son günlər KİV-də Milli Şuranın yaranmasında guya İbrahimbəyov və başqalarının MŞ təsis sənədlərinə Azərbaycanın Avrointeqrasiyası haqqında bəndin daxil edilməsi ilə bağlı fikir ayrılığının maneə olduğu haqqında məlumatlar yayılıb.
Bu məlumatlar əsasında Milli Şuranın “Kremlin layihəsi” olduğu haqqında nəticələr çıxarılıb.
“Bəzi kütləvi informasiya vasitələrində Avropaya inteqrasiyanın əleyhinə olduğumu oxuduqda təəccübləndim. Bu yalanı kim və hansı məqsədlə uydurub bilmirəm, amma hələ 20-ci əsrin əvvəllərində dövlətimizin Avropa xalqları ailəsinə daxil olması dədə-babamın arzusu idi, dövlətimizin gələcəyi üçün başqa yol təsəvvür etmirəm.
Azərbaycanın hansısa konkret bloklarda və beynəlxalq və dövlətlərarası ittifaqlarda iştirakına gəlincə, demokratik qüvvələrin namizədi qələbə qazanarsa, keçid dövründə Konstitusiyaya prezidentin səlahiyyətlərininməhdudlaşdırılmasını, hakimiyyət qollarının real balansının təmin edilməsini, dövlətin daxili və xarici siyasətinin ölkənin və xalqın maraqlarına uyğun şəkildə müəyyən edilməsində parlamentin və ona hesabat verən hökumətin rolunun gücləndirilməsini nəzərdə tutan düzəlişlər razılaşdırılmalı və referenduma çıxarılmalıdır.
Çoxpartiyalı əsaslarla yeni ədalətli və düzgün seçkilər keçirilməlidir ki, bu, Azərbaycan xalqına iradəsini bildirmək yolu ilə öz prioritetlərini və seçimini müəyyən etmək imkanı verəcək.
Amma bu qədər irəli baxmayaq. Hər şeyin öz vaxtı var. Formalanması yenicə başa çata Milli Şura keçid dövrü üçün yaradılıb və əsas diqqəti qarşıda duran prezident seçkilərinə yetirməlidir. Bu gün bizim hər birimiz heyəti yaxın günlərdə açıqlanacaq Milli Şuranın işinə vicdanla və şərəflə şərait yaratmalıyıq”, deyə İbrahimbəyovun Turan-a daxil olmuş bəyanatında qeyd edilir.
Qeyd edək ki, bir sıra KİV-lərdə Milli Şuranın daha bir təşəbbüskarı – EL hərəkatının lideri Eldar Namazov da Avrointeqrasiya düşməni kimi təqdim edilir.
Bu iddiaların əsassız olduğunu deyən Namazov xatırladıb ki, o, Avrointeqrasiya üzrə Azərbaycan Milli İctimai Komitəsinə daxil olub və bu qurumun müvəqqəti sədri olub. -06D-
-
- İqtisadiyyat
- 30 May 2013 16:47
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz