![Robert Köçəryan həbs edilib](https://turan.az/resized/750/500/resize/media/2018/main/072800012047.jpg)
Robert Köçəryan həbs edilib
Yerevan/28.07.18/Turan: İyulun 28-nə keçən gecə Yerevan Şəhər Məhkəməsi Ermənistanın ikinci prezidenti Robert Köçəryanı iki ay müddətinə həbs edib. O, güc tətbiqilə konstitusiya quruluşunu devirmək cəhdində ittiham edilib. 2008-ci il martın 1-2-də Yerevanda baş vermiş etiraz mitinqlərinin dağıdılması və ölkədə fövqəladə vəziyyətin elan edilməsi nəzərdə tutulur.
Vəkil Ruben Saakyan bildirib ki, R.Köçəryanın həbsindən şikayət edəcək. O əlavə edib ki, müttəhim məhkəmənin qərarına sakit reaksiya verib.
Bu gün vəkillər işlə bağlı mətbuat konfransı keçiriblər.
Eks-prezidenti 15 ilədək həbs təhlükəsi gözləyir. R.Köçəryan ona qarşı ittihamları "siyasi təqib" adlandırıb.
İş üzrə KTMT baş katibi, general Yuri Xaçaturov da keçir. Ötən gün istintaq onu həbs edib, ancaq iyulun 27-də axşam məhkəmə onu zaminə buraxıb.
* Robert Köçəryan 1988-ci ildə Dağlıq Qarabağda separatçı hərəkatın liderlərindən biri olub. Sonradan Azərbaycan hakimiyyətinə qarşı silahlı qırğına rəhbərlik edib (1990-1992-ci illər).
1997-ci ilədək "Qarabağ Dövlət Müdafiə Komitəsinin sədri, baş nazir və Dağlıq Qarabağ prezidenti" postlarını tutub.
1997-ci ildə Ermənistanın baş naziri, bir idən sonra isə ölkə prezidenti olub. 2008-ci ilədək bu postu tutub, həmin il hakimiyyəti Serj Sarkisyana verib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz