Ruben Vardanyanın həbs müddəti uzadılıb

Qarabağda separatçı rejimin keçmiş "dövlət naziri" Ruben Vardanyanın həbs müddəti Səbail məhkəməsinin qərarı ilə uzadılıb.

O 27 sentyabr 2023-cü ildə Ermənistana qaçmağa cəhd edərkən Azərbaycan sərhədçiləri tərəfindən saxlanılıb. Terrorizmin maliyyələşdirilməsində, qanunsuz silahlı birləşmələrin yaradılmasında və Azərbaycan sərhədini qanunsuz keçməkdə ittiham olunaraq həbs edilib.

Həbs müddətinin nə qədər uzadıldığı açıqlanmır.

Azərbaycanın cinayət-prosessual qanunvericiliyinə əsasən, xüsusilə ağır cinayətlərdə ittiham olunan şəxslərin işləri üzrə ilkin istintaq və ilkin həbs müddəti 19 aya qədər davam edə bilər.

Bundan əvvəl, oktyabrın 11-də Qarabağ separatçılarının digər liderlərinin - Arkadi Qukasyan, Bako Saakyan, Araik Arutyunyan, David Babayan, David İşxanyan, Leva Mnatsakanyan, David Manukyan və Ruben Vardanyanın həbs müddəti uzadılıb.

Ötən yay Azərbaycanın baş prokuroru Kamran Əliyev separatçılara qarşı ilkin istintaqın başa çatdığını bildirib.

Yəqin ki, separatçıların ilkin həbs müddətinin uzadılması müttəhimlərin və onların vəkillərinin cinayət işinin materialları ilə tanış olması üçün əlavə vaxt tələbindən irəli gəlir.

Cinayət-Prosessual Məcəlləyə görə, iş üzrə keçənlər və onların vəkilləri növbə ilə iş materialları ilə tanış olurlar.