Rusiya ABŞ-la nüvə silahları ilə bağlı danışıqları təxirə salır - Ağ Ev

Vaşinqton/29.11.22/Turan: Rusiya səbəbini izah etmədən, ABŞ-la nüvə silahlarına nəzarətlə bağlı danışıqların bərpasını birtərəfli qaydada təxirə salıb, bu barədə bazar günü Bayden administrasiyası məlumat yayıb. Xəbəri Turan-ın Vaşinqton müxbiri verib.

"Biz ruslardan bunu niyə təxirə saldıqları ilə bağlı aydın cavab almamışıq, deyə Milli Təhlükəsizlik Şurasından Con Kirbi mətbuat kontransında bildirib. - İstərdik ki, bu, mümkün qədər tez qrafikə qayıtsın".

Dövlət Departamentindən bildiriblər ki, Moskva ikitərəfli məşvərət komissiyasının iclasının yeni tarixlərini bildirməyə söz verib. Bu iclasda Silahların Yayılmaması haqqında yeni Sazişin (SYS) təfərrüatları razılaşdırılacaq.

"Birləşmiş Ştatlar iclası mümkün ən yaxın tarixə keçirməyə hazırdır, belə ki, təftişlərin bərpası sabitlik aləti kimi müqavilənin dəstəklənməsi üçün prioritetdir", deyə idarənin bəyanatında qeyd edilir.

SYS-nin müddəti 2011-ci ildə başa çatıb və o, Vaşinqton və Moskva arasında nüvə silahlarının məhdudlaşdırılması ilə bağlı sonuncu mühüm saziş olub. Ötən il ABŞ və Rusiya müqaviləni 2026-cı ilə qədər uzatmaq barədə razılığa gəliblər.

İkitərəfli məşvərət komissiyası sonuncu iclasını 2021-ci ilin oktyabrında Cenevrədə keçirib. 0