Rusiya HSK rəhbərləri Bakıda

Bu gün Azərbaycanın müdafiə naziri Zakir Həsənov hərbi-texniki əməkdaşlıq üzrə Rusiya Federal Xidmətinin direktoru Aleksandr Fomini və “Rosoboroneksport”un baş direktoru Anatoli İsaykini qəbul edib. Görüşdə tərəflər Azərbaycan və Rusiya arasında hərbi-texniki əməkdaşlığın inkişafı məsələlərini müzakirə ediblər.

Müdafiə Nazirliyinin mətbuat xidmətinin verdiyi məlumata görə, Rusiya nümayəndələri iki ölkənin hərbi və digər sahələrdə əməkdaşlığı üçün böyük imkanlar olduğunu qeyd ediblər.

Hərbi və hərbi-texniki əməkdaşlıq məsələləri üzrə fikir mübadiləsi aparılıb, deyə mətbuat xidməti bildirir.

Qeyd edək ki, yaxın gələcəkdə HSK sahəsinə nəzarət edən Rusiya baş naziri Dmitri Roqozin Bakıya rəsmi səfərə gələcək. Çox güman ki, Fomin və İsaykinin səfəri Roqozinin səfərini və mümkün razılaşmaları hazırlamaq məqsədi daşıyır.

Qeyd edək ki, son illər Rusiya Azərbaycana əsas silah ixracçılarından birinə çevrilir. Xüsusən, Azərbaycana tanklar, döyüş təyyarələri və vertolyotlar, artilleriya sistemləri və digər silahların tədarükü haqqında bir neçə böyük müqavilə imzalanıb.

Dövlət başçısı İlham Əliyev öz çıxışlarından birində bildirib ki, Rusiya ilə hərbi müqavilələrin ümumi məbləği 5 mlrd. dollara yaxındır və bu, hüdud deyil. Göründüyü kimi, tərəflər bu rəqəmi artırmaq niyyətindədirlər. -02D-