Sergey Shoigu
Moskva/21.12.20/Turan: Rusiya sülhməramlıları Dağlıq Qarabağda bir ciddi insidentə belə yol verməyiblər, bu barədə bazar ertəsi RF prezidenti Putinlə görüşdə ölkənin müdafiə naziri Sergey Şoyqu bildirib.
Noyabrın 10-dan etibarən Dağlıq Qarabağ ərazisində 23 müşahidə məntəqəsi quraşdırılıb. Bu günə qədər bir ciddi insidentə belə yol verilməyib, deyə o bildirib.
Rusiya sülhməramlılarının rəhbərliyi altında Ermənistan və Azərbaycan arasında hərbi əsirlər "hamını hamı ilə" prinsipi ilə dəyişdirilib. Həlak olanların meyitləri dəyişdirilib.
O, həmçinin bildirib ki, Xankəndində Rusiya sülhməramlılarının yerləşdirilməsi üçün 330 nəfərlik ikibloklu modul tipli şəhərcik salınıb.
"Gələn il aprelin 1-nə qədər 32 şəhərcik salacağıq", deyə nazir qeyd edib.
Öz növbəsində, RF prezidentinin köməkçisi Dmitri Peskov jurnalistlərə bildirib ki, Rusiya və Azərbaycan bütün məsələlər üzrə "sıx və konstruktiv" dialoq aparır. -02D-
Siyasət
-
Fevralın 3-də Bakı Ağır Cinayətlər Məhkəməsində fəal Nicat İbrahimov barəsində ittiham aktı oxunub. Prokurorun iddiasına görə, İbrahim Bəhman Əliyev adlı bir şəxsə bıçaq xəsarəti yetirib. İbrahim ittihamları təkzib edib və heç kimi bıçaqlamadığını bildirib.
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
Rəy yaz