Rusiya Xarici İşlər və Müdafiə  nazirlərinin İrəvana və Bakıya səfərlərinin nəticələri dair

Bakı/21.11.20/Turan: Noyabrın 21-də  Rusiya Federasiyasının Xarici İşlər və Müdafiə Nazirləri Lavrov və Şoyqu İrəvana və Bakıya sürətli səfərlər ediblər.

İrəvanda  Lavrovun vacib açıqlaması Baş nazir Paşinyanla görüşdə 1992-1994-cü illərdə Qarabağı tərk etmiş azərbaycanlı qaçqınların doğma yurdlarına  qaytarılması məsələsinin xatırlanması idi.

Müdafiə naziri Şoyqu da öz növbəsində erməni həmkarını 10  noyabr atəşkəsinə ciddi əməl etməyə və atəşkəsin pozulmasına yol verməməyə çağırıb.

İki ölkənin müdafiə nazirləri Qarabağdakı rus sülhməramlılarının fəaliyyətini tənzimləyən bir sənəd imzalayıb.

Bu fakt əsaslı bir sual doğurur - əgər sülhməramlılar Azərbaycandadırsa, niyə sənədi ermənilərlə imzalayırlar? Bənzər bir sənədin Bakıda imzalanacağını gözləmək olardı, amma bu baş vermədi.

Bakıda keçirilən görüşdə  İ.Əliyev Şoyquya "9 noyabr tarixli üçtərəfli bəyanatın icrası irəliləyir və həm Azərbaycan, həm də Ermənistan tərəfinin uzunmüddətli münaqişəyə son qoymağa və siyasi nizamlanmağa hazır olduğunu nümayiş etdirir", deyib.

Əliyev münaqişənin sülh yolu ilə həlli barədə razılığın əldə olunmasında iştirak etdikləri üçün Şoyqu və Putinə təşəkkür edib.

Əliyev bildirib ki, Bakı “Rusiya Federasiyasının Azərbaycan strukturları ilə  işçi təmasda işləyən sülhməramlı missiyasının yerləşdirilməsini alqışlayır. “Hesab edirəm ki, bu, vəziyyəti sabitləşdirmək üçün vacib amildir və bəyanat imzalanandan bəri atəşkəs rejimində ciddi pozuntular olmayıb”, - deyə Əliyev bildirib.

Azərbaycan rəhbəri Rusiya ilə Türkiyə arasında Azərbaycanda atəşkəsə nəzarət mərkəzinin yaradılması ilə bağlı aparılan fəal danışıqları alqışlayıb  və göstərdiyi səylərə  görə Prezident Rəcəb Tayyib Ərdoğana təşəkkürünü bildirib.

Əliyevin  məmnun danışıq tonu onun Qarabağ bölgəsindəki proseslərdən razı qaldığını və aşkar etirazlarının olmadığına dəlalət edir. Ancaq bağlı qapılar arxasında nə deyildiyi bilinmir.

Xüsusilə, silahsızlanmaqdan və Qarabağı tərk etməkdən imtina edən  erməni qüvvələrinin bölgədə qalması  məsələsinə aydınlıq gətirilməyib.

Əliyevin  və Lavrov görüşündə də oxşar müsbət ton müşahidə edilib.

Əliyev qeyd edib ki, üç ölkə liderlərinin 9 noyabr tarixli bəyanatı "bölgədə yeni, perspektivli bir vəziyyət yaratdı". Əliyev prezidentlər Putin və Ərdoğanın bu işdə böyük rol oynadıqlarını qeyd edib  və sülhməramlı missiyanın formatının bölgə ölkələrinin təməl maraqlarına cavab verdiyini və "bölgə ölkələrinin təhlükəsizliyin möhkəmləndirilməsində aparıcı rol oynamalı olduğunu" vurğulayıb.

Əliyev, “həm Azərbaycan xalqının, həm də Ermənistan xalqının sülh şəraitində yaşamasına və ortaq təhlükəsiz gələcək haqqında düşünməsinə imkan verəcək həllər tapmağı bacardığımızdan” məmnun olduğunu bildirib.

Eyni zamanda o qədər də  fəal olmayan Minsk Qrupunun digər  üzvlərini də tənqid edib.

Lavrov, Azərbaycanın 9 Noyabr bəyanatını dəstəkləməsindəki mövqeyini və bölgədə barışıq ehtiyacını yüksək qiymətləndirdiyini söyləyib.

Lavrovun sözlərinə görə, Rusiya qayıdan insanların maraqları naminə humanitar problemlərin həlli üçün Azərbaycanla spesifik məsələləri  koordinasiya edir.

Qeyd edək  ki, baş nazir Paşinyan  Lavrovun diqqətini məhz bu məsələlərə yönəltmişdir. Rusiyanı Qarabağa qayıdan ermənilərin təhlükəsizliyini təmin etməyə çağırmışdı. Üstəlik,  Paşınyan Azərbaycan Silahlı Qüvvələrinin nəzarətində olan bölgələrdən qaçan ermənilərıdə nəzərdə tutmuşdu. Lavrov birbaşa cavab verməkdən yayınaraq bütün məsələlərin Qarabağda fəaliyyət göstərən Humanitar Mərkəz çərçivəsində həll ediləcəyini bildirdi. -02DC-