Rusiya XİN Lavrovun Azərbaycana səfəri haqqında

İyulun 11-12-də RF XİN rəhbəri Sergey Lavrov Azərbaycana işgüzar səfərə gələcək. “Qarşıda duran danışıqlara Rusiya-Azərbaycan siyasi dialoqunun inkişafının davam etdirilməsi kontekstində baxırıq”, deyə RF XİN-in məlumatında bildirilir.

Bakıda keçiriləcək görüşlərdə ikitərəli gündəliyin aktual məsələləri müzakirə olunacaq, eləcə də Dağlıq Qarabağ münaqişəsinin nizamlanması üzrə Vyana və Sankt-Peterburq görüşlərində əldə edilmiş razılaşmaların irəliləyişi istiqamətində fikir mübadiləsi aparılacaq.

“Azərbaycan Cənubi Qafqaz və Xəzər regionunda bizim mühüm strateji tərəfdaşımızdır. Bakı ilə əlaqələri hüquq bərabərliyi, bir-birinin maraqlarına hörmət və mehriban qonşuluq əsasında qurur bərabərhüquqluluq, bir-birinin maraqlarına hörmət və mehriban qonşuluq əsasında qururuq”, deyə məlumatda qeyd edilir.

Moskva ticari-iqtisadi əlaqələrin və humanitar sahədə ənənəvi əlaqələrin genişləndirilməsinə, Azərbaycan və Rusiya xalqları arasında tarixən yaranmış sıx mənəvi ünsiyyətin inkişafına böyük önəm verir.

“Azərbaycanlı həmkarlarımızla birlikdə sentyabrın 29-da iki ölkə prezidentlərinin himayəsi altında keçiriləcək V Bakı Beynəlxalq Humanitar Forumuna hazırlıq həyata keçiririk”, deyə məlumatda qeyd edilir. -16D-