![Vaşinqton Qarabağ nizamlanmasında fəallaşır?](https://turan.az/resized/750/500/resize/media/2016/main/070900161444.jpg)
Vaşinqton Qarabağ nizamlanmasında fəallaşır?
ABŞ dövlət katibi Con Kerrinin iyulun 8-də axşam Varşavada Azərbaycan və Ermənistan liderləri ilə görüşünün yekunları ilə bağlı Bakı və Yerevan heç bir bəyanat verməyib. Amma görüşdə iştirak edən ATƏT-in Minsk Qrupunun Amerikalı həmsədri Ceyms Uorlik Əliyevin və Sarkisyanın mətbuat katibi kimi çıxış etməyə tələsərək, faktiki olaraq, onların adından bəyanat verib.
Belə ki, Uorlik Tvitterdəki akkauntunda yazıb ki, Qarabağ münaqişəsi tərəfləri problemin hərbi yolla həllini rədd edir. “ABŞ dövlət katibi Con Kerri Qarabağ məsələsini Ermənistan və Azərbaycan prezidentləri ilə müzakirə edib. Tərəflər müharibəni təkzib edirlər və danışıqlara sadiqdirlər. ABŞ kömək etməyə hazırdır”.
Dövlət Departamentinin rəsmi nümayəndəsi Con Kirbi qiymətləndirmələrdə daha təmkinli və daha konkret olub. Onun sözlərinə görə, dövlət katibi bir daha Vyana və Sankt-Peterburq görüşlərində əldə olunmuş öhdəliklərin yerinə yetirilməsi zərurətini bəyan edib. Kerri həmçinin ABŞ-ın münaqişənin hərtərəfli həllinə aparan danışıqları dəstəklədiyini təsdiq edib.
Ermənistan tərəfi də bildirib ki, Kerri ilə görüşdə iyulun 6-da Rusiya və ABŞ prezidentləri arasında Qarabağ nizamlanması məsələləri ilə bağlı baş tutmuş telefon söhbətinin təfsilatına toxunulub. Xatırladaq ki, Putinin Obama ilə söhbətində sonuncunun ABŞ-ın Dağlıq Qarabağ münaqişəsinin nizamlanması üzrə səyləri artırmağa hazır olduğu haqqında bəyanatı mühüm element olub. “Prezident Obama ATƏT-in Minsk Qrupunun həmsədrləri kimi Rusiya və Fransa ilə birlikdə münaqişənin hərtərəfli həllinə nail olmaq üzrə səyləri intensivləşdirməyə hazır olduğunu bildirib”, deyə Ağ Ev məlumat verib.
Bütün yuxarıda deyilənləri ümumiləşdirərək, ehtimal etmək olar ki, Vaşinqton Moskvadan geri qalmamağı qərara alıb və Moskvadan nizamlanma məsələlərini onunla razılaşdırmağı tələb edib.
Bakı üçün Uorlik və Kerrinin Vyana və Sankt-Peterburq razılaşmalarına riayət olunması zərurətini bəyan etməsi çox da xoş deyil. Bu, əslində döyüş əməliyyatlarının həyata keçirilməsinə qadağa deməkdir.
Varşavada görüşü NATO sammitinin mühiti kontekstində də qiymətləndirmək lazımdır. Burada Alyans ölkələri, Rusiyanın Avropada təcavüzkar siyasətinə qarşı mübarizəyə hazır olduqlarını bəyan edərək, faktiki olaraq, ona qarşı meydan oxuyublar.
Buna görə Əliyev və Sarkisyanın gözlənilmədən Varşavaya çağırılması və Kerri ilə görüşünü Vaşinqtonun Moskvanın Qarabağ münaqişəsini onun istədiyi kimi həll etməsinə yol verməmək məqsədi güdən addımlarından biri hesab etmək olar.
İsrarlı sülh çağırışları indiki halda Ermənistanı daha çox qane edir, belə ki, onlar münaqişənin güc yolu ilə həllində Azərbaycanın əl-qolunu bağlayır. -02В-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz