Açiq mənbələrdən foto.
Bakı/10.10.22/Turan: Rusiyalı müxalif siyasətçi, hazırda həbsdə olan Vladimir Kara-Murza Avropa Şurası Parlament Assambleyasının Vaslav Havel adına insan hüquqları mükafatına layiq görülüb. Oktyabrın 10-u Strasburqda, AŞPA-nın payız sessiyası çərçivəsində baş tutan mərasimdə mükafat Kara-Murzanın xanımına təqdim edilib.
Yevgeniya Kara-Murza assambleyada çıxış edərək, Vladimir Kara-Murzanın həbsxanadan yazdığı məktubu oxuyub. Kara-Murza mükafatı müharibə əleyhinə səsini ucaldan minlərlə rusiyalı həsr etdiyini, "sülhsevər, demokratik və Putinsiz Rusiyanın" bir gün yenidən Avropa Şurasına qayıdacağını deyib.
Vladimir Kara-Murza Rusiya hökumətinin sərt tənqidçisi, Vladimir Putinin Ukraynaya müdaxiləsinə qarşı yaradılmış Müharibə Əleyhinə Komitənin həmtəsisçisidir. İki dəfə zəhərlənmək cəhdinə məruz qalan Kara-Murza 2022-ci ilin aprelində həbs edilib. O, dövlətə xəyanətdə, eləcə də onu uzun illər dəmir barmaqlıqlar arxasında saxlaya biləcək digər cinayətlərdə ittiham olunur.
Vaslav Havel mükafatı 2013-cü ildən bəri AŞPA tərəfindən hər il insan hüquqlarının müdafiəsində əlamətdar işlər görmüş şəxslərə və ya təşkilatlara verilir. Azərbaycanlı insan hüquqları müdafiəçisi Anar Məmmədli, bu il Nobel Sülh mükafatı ilə təltif edilən belaruslu hüquq müdafiəçisi Ales Bialiatski bugünədək bu mükafata layig görülmüş şəxslər arasındadır.-16d-
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz