Rusiya azərbaycanlıları federal milli-mədəni muxtariyyəti (AzərRos FMMM) və “Rusiya erməniləri ittifaqı” Ümumrusiya ictimai təşkilatı (REİ) cümə günü Qarabağ münaqişəsinin sülh yolu ilə həlli zərurətini əks etdirən birgə bəyanat yayıblar.
“Biz inanırıq ki, Dağlıq Qarabağ münaqişəsinin nizamlanması ilə bağlı bütün məsələlər müstəsna olaraq sülh danışıqları çərçivəsində, beynəlxalq normalar və bütün tərəflərin maraqları nəzərə alınmaqla, güzəştli yanaşmalar əsasında həll edilməlidir. Bu problemin həlli tarixi vətənlərimizin səlahiyyətli hakimiyyətlərinin və xalqlarının müstəsna hüququdur”.
Diaspor liderləri bu münaqişə elementlərinin RF ərazisinə keçməsini qəbuledilməz sayır. Diasporlar arasında daimi əlaqələr və qarşılıqlı fəaliyyət ermənilər və azərbaycanlılar arasında münasibətlərin normallaşması prosesinə kömək edəcək.
AzərRos və REİ bu razılaşmaları həyata keçirmək üçün birgə planların müzakirə edilməsi və qərar layihələrinin təklif edilməsi, icma nümayəndələri arasında mümkün hadisələrə operativ reaksiya verilməsi, onların qarşısının alınması və mənfi nəticələrə yol verilməməsi məqsədilə daimi fəaliyyət göstərən komissiya yaratmağı qərara alıblar.
Müraciətdə hər rübdə Moskvada mədəniyyət, təhsil və ya idman sahəsində ictimai əhəmiyyətli tədbirlər keçirilir. Bunun bütün Rusiya ərazisində tətbiq etmək;
Rusiya, Azərbaycan və Ermənistan prezidentlərinə Rusiyada (Soçu şəh.) ictimai təşkilatların, yaradıcılıq ittifaqlarının, gənclər birliklərinin nümayəndələrinin iştirakı ilə (hər tərəfdən 50 nəfər) Azərbaycan-Ermənistan mədəniyyət dialoqu həftəsinin keçirilməsi ideyasını dəstəkləmək xahişi ilə müraciət etmək;
Bu forum çərçivəsində yaxınlaşma yollarının axtarılması və qarşılıqlı hörmət əsasında etimad atmosferi yaradılması məqsədilə nümayəndə heyətlərinin iştirakı ilə tədbirlər və yaradıcılıq müsabiqələri təşkil etmək;
İctimai çıxışların və nəzarət altında olan KİV-lərin leksikonundan bir-birinə qarşı “düşmənçilik dilini” çıxarmaq öhdəliyi götürmək təklifləri yer alıb.
Müraciəti AzərRos prezidenti Söyün Sadıqov və REİ prezidenti Ara Abramyan imzalayıblar. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz