Rusiyanın Ukraynaya qarşı təcavüzünü Çin, Şimali Koreya və İran dəstəkləyir - NATO baş katibi
Rusiyanın Ukraynaya qarşı təcavüzünü Çin, Şimali Koreya və İran dəstəkləyir - NATO baş katibi
Rusiyanın Ukraynadakı müharibəsi dinc demokratik ölkəyə "amansız hücumdur" və Qərb alyansının uğursuzluğa düçar olduğunu görmək istəyən "Çin, Şimali Koreya və İran" tərəfindən dəstəklənir. Bu barədə NATO baş katibi Yens Stoltenberq cümə axşamı dövlət katibi Entoni Blinkenlə danışıqlardan sonra Dövlət Departamentində keçirilən brifinqdə bildirib, xəbəri Turan-ın Vaşinqtondakı müxbiri verib.
"Onlar Ukraynada uğur əldə etməyə çalışırlarsa, bu, bizi daha həssas, dünyanı isə daha təhlükəli edəcək", deyən Stoltenberq NATO-nun Ukraynaya dəstəyinin "xeyriyyə deyil, təhlükəsizlik maraqları" olduğunu sübut edib.
"Biz hamımız istəyirik ki, bu müharibə başa çatsın, ancaq Rusiya sülh təklif etmir və Putin qarşısında təslimiyət heç bir təhlükəsizliyi təmin etməyəcək. Bizim dəstəyimiz nə qədər güclü olsa, müharibə o qədər tez başa çatacaq, buna görə ABŞ və Ukrayna arasında təhlükəsizliklə bağlı sazişi alqışlayıram", deyə o bildirib.
Blinken həmçinin Rusiyaya silah tədarükünə görə İranı və Şimali Koreyanı qınayıb. O, həmçinin Çini Rusiyanın müdafiə sənayesini dəstəkləməkdə ittiham edib, bunun Rusiyanın müharibəni davam etdirməsinə imkan verdiyini qeyd edib.
Rusiyanın idxal etdiyi dəzgahların 70%-i Çindən tədarük olunur, mikroelektronikanın 90%-i də oradan gəlir. Və bu, Rusiyanın öz müdafiə sənayesinin işini dəstəkləməsinə və müharibəni davam etdirməsinə imkan verib. Buna görə ABŞ Ukraynaya yardımı davam etdirir, deyə Blinken qeyd edib.
Stoltenberq əlavə edib ki, Avropa da öz töhfəsini verir. NATO-nun iyul sammitində Avropalı müttəfiqlər və Kanada Ukraynaya daha böyük maliyyə dəstəyi və hərbi dəstək göstərəcək, bu da ABŞ-ın yükünü azaldacaq, deyə NATO rəhbəri bildirib.
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz