Sahibə Qafarova yenidən Milli Məclisin spikerliyinə namizəd göstərilib
7-ci çağırış Milli Məclisin sədri vəzifəsinə Sahibə Qafarovanın namizədliyi irəli sürülüb. Bu qərar bu gün parlamentdə əksəriyyət təşkil edən Yeni Azərbaycan Partiyasından olan deputatların iclasında qəbul edilib.
Qafarova 6-cı çağırış parlamentin də spikeri olub.
Parlament azlıqlarını təşkil edən partiyalar vitse-spikerlərdən biri vəzifəsinə "Vətəndaş Həmrəyliyi" Partiyasından deputat Rafael Hüseynovun namizədliyini irəli sürüb.
Bu partiyanın 7-ci çağırış parlamentdə 3 deputatı var. Hüseynov bütün çağırış parlamentlərin deputatı olub.
"Müstəqil" deputatlar vitse-spiker vəzifəsinə tarix elmləri doktoru Musa Qasımlının namizədliyini irəli sürüb.
Parlament rəhbərliyinin bu gün MM-in ilk iclasında seçiləcəyi gözlənilir.
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz