Samir Şərifov: Müdafiə və təhlükəsizlik xərcləri 27% artacaq

2015-ci ildə iqtisadi inkişaf göstəricilərinin əksəriyyəti üzrə maliyyələşmənin artdığı qeydə alınıb. Bu barədə maliyyə naziri Samir Şərifov çərşənbə axşamı Milli Məclisdə gələn il üçün ölkə büdcəsi layihəsi ilə bağlı çıxış edərkən bildirib.

Belə ki, elmi araşdırmaların maliyyələşdirilməsinə 137 mln. manat ayrılıb ki, bu da 2014-cü ildən 3,2% çoxdur. Elmin İnkişafı Fonduna 19,5 mln. manat ayrılıb.

Təhsilin inkişafına, bu sahədə müxtəlif proqramlara 117 mln. manat xərclənəcək. Təhsil sahəsində informasiya texnologiyaları üçün 19 mln. manat ayrılması planlaşdırılır, məktəb şagirdləri üçün pulsuz dərsliklər alınmasına 9 mln. manat, məktəb binalarının təmirinə və tikintisinə isə 22 mln. manat ayrılacaq.

Gənclərin xaricdə təhsilinin maliyyələşdirilməsinə 44 mln. manat ayrılıb.

Səhiyyə sahəsində müxtəlif proqramlara 195 mln. manat ayrılır, bunun 42 mln. manatı onkoloji xəstəliklərin müalicəsi, 36 mln. manatı diabet müalicəsi, 2 mln. manatı vərəmin müalicəsi, 8 mln. manatı səhiyyə sistemi binalarının təmiri üçün nəzərdə tutulub.

İdmana 1 mlrd. manatdan çox vəsait xərclənəcək. Dövlət büdcəsindən Bakıda Birinci Avropa İdman Oyunlarının keçirilməsi üçün pul ayrılacaq.

Gəliri olmayan teatrlara kompensasiya üçün 15 mln. manat ayrılacaq.

Qaçqınlara dövlət yardımı davam edəcək. Bunun üçün 225 mln. manat ayrılıb, bu da cari ildən 1% çoxdur, deyə Şərifov bildirib.

Gələn il dövlət sosial ipotekaya 50 mln. manat ayıracaq. Bu, 2014-cü ildən 10 mln. manat çoxdur.

Milli təhlükəsizliyin və ordu ehtiyaclarının təmin edilməsi, hərbi qulluqçuların sosial müdafiəsi üçün 3 mlrd. 783 mln. manat ayrılır ki, bu da 2014-cü ildən 27% çoxdur.

Yerli kənd təsərrüfatı istehsalçısına dəstək 596 mln. manat və ya 2014-cü ildən 33 mln. manat çox vəsait ayrılacaq.

2015-ci ildə Bakıda və əyalətlərdə inşaat və təmir işlərinin maliyyələşdirilməsi davam etdiriləcək. Amma Şərifov buna sərf olunacaq vəsaiti açıqlamayıb. -02D-