Bakı/06.06.18/Turan: RF müdafiə naziri Sergey Şoyqu humanitar yardımın göstərilməsi və infrastrukturun bərpası vasitəsilə Suriyada dinc həyatın qurulmasında iştirakı MDB üzvlərinə təklif edib. Bu barədə o, iyunun 6-da MDB ölkələri Müdafiə Nazirləri Şurasının iclasını açarkən deyib.
Onun sözlərinə görə, söhbət ərazilərin minalardan təmizlənməsi, deeskalasiya zonalarında birgə patrul keşiyi çəkmək, humanitar yardımın göstərilməsi və infrastrukturun bərpası məsələlərində əməkdaşlıqdan gedir.
"Sizin dəstəyinizə ümid edirik. Bu, beynəlxalq terrorizmə qarşı mübarizədə və ümumi təhlükəsizliyin təminatında bizim birliyimizi nümayiş etdirəcək", - S.Şoyqu vurğulayıb.
Qeyd edək ki, bu təklif RF hərbi qurumunun rəhbərindən gəlir, siyasi rəhbərlikdən yox. Moskva Bəşər Əsəd rejimini dəstəkləməməyi tələb edən ABŞ, Avropa İttifaqı, Türkiyə və Səudiyyə Ərəbistanının təzyiqlərinə məruz qalır. Belə vəziyyətdə Kremlin başqa müttəfiqi qalmır.
Qeyd edək ki, iclasda Azərbaycanın müdafiə naziri Zakir Həsənov da iştirak edir.-02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz