Erməni tərəfdən 4 hərbiçi ölüb (yenilənib)

Ermənilərin Nerkin-And kəndi yaxınlığındakı mövqenin atəşə tutulması nəticəsində 4 nəfər həlak olub, 1 nəfər yaralanıb. Bu barədə fevralın 13-də günorta saatlarında Ermənistan Müdafiə Nazirliyi məlumat yayıb. Erməni KİV-lərinin məlumatına görə, ölənlər “Yerkrapah” rönüllülər birliyinin üzvləridir.

* * *

Sərhəddə atışma, erməni tərəfdən iki nəfər ölü

Ermənistan Müdafiə Nazirliyinin məlumatına görə, fevralın 13-də saat 5:30-da Azərbaycan Silahlı Qüvvələrinin bölmələri Qafan rayonunun Nerkin And kəndi yaxınlığında yerləşən mövqelərini atəşə tutublar. Nəticədə iki erməni əsgəri həlak olub, yaralananlar da var.

Xatırladaq ki, ötən gün ermənilər Nerkin And kəndi yaxınlığındakı mövqelərdən Azərbaycan sərhədçilərini atəşə açmışdılar. Nəticədə bir Azərbaycan əsgəri yaralanıb.

Öz növbəsində Azərbaycan Sərhəd Xidməti bu qün  “Qisas” əməliyyatının keçirildiyini təsdiqləyib. Nəticədə ötən gün Azərbaycan mövqelərini atəşə tutan ermənilərin döyüş postu məhv edilib.

Xəbərdə qeyd olunub ki, Ermənistan tərəfinin təxribatları bundan sonra da ən qəti cavab veriləcək.

Ermənistan Müdafiə Nazirliyinin məlumatına görə, bu bölgədə atışma saat 9:30-da dayandırılıb.