“Sərhədsiz reportyorlar” jurnalist Rauf Mirqədirovun məhkəmədən əvvəl həbsinin Baş Prokurorluğun xahişi ilə daha dörd ay müddətinə uzadılmasından qəzəblənib, bu barədə beynəlxalq mətbuat azadlığını müdafiə təşkilatının bəyanatında deyilir.
“Mirqədirovu həbsdə saxlamaqla siyasiləşmiş məhkəmə sistemi ona jurnalisti təqib etməyin əmr olunduğunu nümayiş etdirir”, deyə SR Şərqi Avropa və Mərkəzi Asiya şöbəsinin müdiri İohann Bir bildirib.
“Onun yeganə cinayəti müstəqil fikrə sahib olmasıdır və biz bir daha hakimiyyəti ittihamları ləğv etməyə və jurnalisti azad etməyə çağırırıq”, deyə Bir qeyd edib.
Baş Prokurorluq iddia edir ki, Mirqədirovun sərbəst buraxılsa, qaçmağa çalışacağı təhlükəsi var. Məhkəmə onun anasının səhhətinin pis olduğunu nəzərə almaq və onunla qalmağa icazə vermək xahişini rədd edib. -02D-
Siyasət
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
Rəy yaz