![Serj Sarkisyan Qarabağda görüş keçirib](https://turan.az/resized/750/500/resize/media/2016/main/072000162719.jpg)
Serj Sarkisyan Qarabağda görüş keçirib
Ermənistan rəhbəri Serj Sarkisyan iyulun 15-16-da Qarabağda olub, öz köhnə tərəfdaşları – Qarabağ Hərəkatının üzvləri ilə qapalı görüş keçirib. Görüş zamanı Sarkisyan Qarabağ ətrafında ərazilərin güzəştə gedilməsi ilə bağlı iştirakçıların rəyini öyrənib. “Azadlıq” radiosunun Ermənistan xidməti məlumat yayıb.
Görüş iştirakçısı Razmik Petrosyanın sözlərinə görə, müzakirələrdə separatçıların lideri Bako Saakyan və onun sələfi Arkadi Qukasyan da iştirak edib.
“Serj deyib ki, Qarabağa bitişik ərazilərin güzəştə gedilməsi erməni tərəfinə təklif olunmayıb, lakin bu məsələ ilə bağlı vətəndaşların mövqeyi ilə maraqlanıb. O, hər kəsin fikrini öyrənib. 90% güzəştin əleyhinə olduğunu bildirib”, - Petrosyan qeyd edib.
Onun sözlərinə görə, ancaq müstəqillik müqabilində ərazi güzəşti ola bilər. Hazırda erməni tərəfinə birtərəfli qaydada güzəşt qəbul etdirilir ki, bu da yolverilməzdir. Onun fikrincə, erməni tərəfinə təzyiqlər göstərilir, halbuki, Serj Sarkisyan görüş zamanı deyib ki, belə bir şey yoxdur və o, Qarabağın müstəqilliyinin tanınması istiqamətində iş aparır.
Digər iştirakçı, Qarabağ Hərəkatının fəal üzvü Hamlet Qriqoryan deyib ki, aprel döyüşlərində itirilmiş ərazi məsələsinə də toxunulub və belə qərara alınıb ki, onları qaytarmaq lazımdır. O əlavə edib ki, yaxın vaxtlarda Sarkisyan yenidən Qarabağda görüş keçirəcək.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz