Şimali Koreya Ukraynaya qarşı müharibənin iştirakçısına çevrilir

Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.

Kəşfiyyat sənədləri həmçinin Şimali Koreyadan silah tədarükünün həcmini göstərir: 8 milyon 122 mm və 152 mm çaplı artilleriya mərmisi. Bundan başqa, yüzlərlə Xvason-11 raketi və Bulsae-4 tank əleyhinə silahlar.

Şimali Koreya hərbiçiləri Vladivostokdan Ukraynaya ön cəbhəyə göndəriləcək. Kreml onları silah, hərbi uniforma və Rusiyanın şərq regionlarının sakinləri kimi qələmə vermək üçün saxta vəsiqələrlə təmin edəcək.

Rusiya prezidenti Vladimir Putin faktiki olaraq Şimali koreyalıların Ukraynaya qarşı müharibədə iştirakını təsdiq edib.

Cənubi Koreyanın kəşfiyyat idarəsinin məlumatına görə, Rusiyanın istifadə etdiyi döyüş sursatlarının cəmi 30%-i yerli istehsaldır, 60%-i Şimali Koreya, 10%-i isə İran tərəfindən tədarük edilib.

Putinin Pxenyana səfəri zamanı Kim Çen In Ukraynadakı müharibədə Rusiyaya "qeyd-şərtsiz dəstək" vəd edib.