Siyasi məhbuslarla bağlı ümumrespublika forumu keçiriləcək
“Siyasi Məhbuslarsız Azərbaycan” ictimai alyansı yaxın günlərdə siyasi məhbuslarla bağlı Ümumrespublika Forumu keçirəcək. Bu barədə qərar bu gün alyansın iclasında qəbul edilib.
İclas iştirakçıları keçmiş səhiyyə naziri Əli İnsanov barəsində əvvəlki hökmün qüvvədə qalmasını, NİDA hərəkatı fəallarının işi üzrə prosesdə yalançı şahidlərdən istifadəni, “İsmayıllı prosesində” prokurorun ReAl lideri İlqar Məmmədov və Müsavat Partiyasının sədr müavini Tofiq Yaqublu barəsində ittiham hökmü çıxarılmasını istəməsini, AXCP fəallarının son həbslərini pisləyiblər.
Yerli və beynəlxalq ictimaiyyətin diqqətini siyasi məhbuslar probleminə cəlb etmək üçün alyans üzvləri Ümumrespublika Forumu keçirməyi qərara alıblar.
Bundan başqa, aprelin 2-də alyans ictimai birlik olaraq hesabat-seçki konfransını keçirəcək. -06D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz