!["Sovetski"də yanğın. Ölən var (VIDEO)](https://turan.az/resized/./turan-750-500-resize.webp)
"Sovetski"də yanğın. Ölən var (VIDEO)
"Evdə oturmuşduq, partlayış səsi gəldi. Tez oğluna zəng etdik, qaça-qaça gəldi. Girdi evə, atasını çıxardı, amma öz saçı-başı alışıb yandı. Onu da apardılar xəstəxanaya. Anası qaldı içəridə..."
Bakının "Sovetski" kimi tanınan Mirzağa Əliyev küçəsində şəxsi evlərdən birində yanğın baş verib.
İlkin məlumata görə, bir nəfər ölüb, iki nəfər yaralanıb.
Sakinlərdən biri AzadlıqRadiosuna deyib ki, təbii qazı kəsib qəfildən veriblər, yanğın bu səbəbdən baş verib.
Qonşular AzadlıqRadiosunun müxbirinə deyiblər ki, təcili yardım maşını 50 dəqiqəyə gəlib və gecikməni yolların tıxac olması ilə əsaslandırmağa çalışıb. Yol dar olduğu üçün yanğınsöndürən maşın da evə tam yaxınlaşa bilməyib.
Xəsarət alanlardan ikisi həlak olan qadının əri və oğludur. Qonşulardan biri hadisəni belə təsvir edib:
"Evdə oturmuşduq, partlayış səsi gəldi. Tez oğluna zəng etdik, qaça-qaça gəldi. Girdi evə, atasını çıxardı, amma öz saçı-başı alışıb yandı. Onu da apardılar xəstəxanaya. Anası qaldı içəridə..."
RƏSMİ MƏLUMAT
Fövqəladə Hallar Nazirliyi isə xəbər yayıb ki, "Yasamal rayonunda ikimərtəbəli taxta konstruksiyalardan ibarət ümumi sahəsi 600 kv m olan binanın 1-ci mərtəbəsində yanğın olub. 1 nəfər yanıq xəsarəti alıb, iki nəfər tüstüdən zəhərlənib. 1941-ci il təvəllüdlü Şərqiyyə Quliyevanın meyiti aşkar edilib. Yanğın 19.50 də söndürülüb."
-
- Siyasət
- 16 Mart 2016 19:17
-
- İqtisadiyyat
- 17 Mart 2016 11:34
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz