Strasburqda AŞPA-nın sessiyası start götürdü

Bazar ertəsi Strasburqda AŞPA-nın yaz sessiyası açılıb. Bu sessiyada Rusiya səs hüququndan məhrum edilə və ya onun assambleyadakı səlahiyyətləri dayandırıla bilər.

Rusiyanın Ukraynaya qarşı təcavüzü ilə əlaqədar AŞPA-da Rusiyanın səs hüququndan məhrum edilməsi (danimarkalı Maykl Aastrup Yensen) və onun assambleyadakı səlahiyyətlərinə xitam verilməsi (britaniyalı Robert Uolter) haqqında təşəbbüslər irəli sürülüb.

Bu gün AŞPA-nın monitorinq komitəsi məruzə hazırlayacaq məruzəçini təyin edəcək. Həmin məruzə əsasında sanksiyaların tətbiqi mümkündür.

Bundan başqa, Ukraynadakı vəziyyət haqqında cümə gününə təyin edilmiş xüsusi debatlar planlaşdırılıb. Həmin gün sanksiyalar məsələsi həll olunacaq.

   RF-nin AŞPA-dakı nümayəndə heyətinin rəhbəri Aleksandr Puşkov qeyd edib ki, Rusiyanı AŞPA-dakı səlahiyyətlərindən məhrum etməyə hazırlaşdıqları aydın olsa, RF nümayəndə heyəti özü AŞPA-dan çıxdığını bəyan edəcək. Rusiya nümayəndə heyətini səs hüququndan məhrum etməyi qərara alsalar RF səlahiyyətlərindən imtina etməyəcək.

Xatırladaq ki, ötən sessiyada Azərbaycan nümayəndə heyəti RF-yə qarşı sanksiyalar tətbiq edilməsinin əleyhinə səs verib.

Bu dəfə də Rusiya nümayəndə heyəti Moskvaya qarşı sanksiyaların tətbiqinə yol verməmək üçün bu və ya digər nümayəndə heyətlərinin şəxsində müttəfiq axtaracaq. -02D-