Polşanın Plagiat.pl şirkətinin prezidenti Sebastyan Kavçinski ötən həftə Bakıya gəlib və ali məktəb rəhbərləri ilə görüşlər keçirib. Onun şirkəti texnoloji və təşkilati dəstək verir. Nəticədə təhsilin səviyyəsi yüksəlir, əqli mülkiyyət qorunur.
«Şirkət 2002-ci ildən plagiatın qarşısını almaqda tələbə və müəllimlərə kömək edir. Onun akademik institutların, məktəblərin, nəşriyyatların və saytların əqli mülkiyyətinin qorunması üçün antiplagiat sistemi və başqa vasitələri var. StrikePlagiarism.com-un interfeysti Azərbaycan dilində də əlçatandır, deyə Sebastyan Kavçinski Turan-a bildirib.
Hazırda Sistem Milli Antiplagiat Sisteminə çevrilib, məqsədi milli səviyyədə əqli mülkiyyətinin qorunmasıdır. Plagiat.pl-in xidmətindən Almaniya, Rumıniya, Polşa, Qazaxıstanda 200-dən çox təşkilat istifadə edir.
Mətnin orijinal və ya köçürmə olduğunu müəyyən etmək üçün o, platformaya yüklənir və 24 saata bir çox parametrlər üzrə (plagiatın faiz dərəcəsi, mənbələr və s.) cavab alınır. Ona görə sistemdən istifadədən sonra bir sıra ali məktəblərdə təhsil səviyyəsi yüksəlib.
Şirkətə Polşa Akkreditasiya Komitəsi və Elm və Ali Təhsil Nazirliyi dəstək verir.
Qeyd edək ki, aprelin 19-da Plagiat.pl şirkətinin Azərbaycan filialı açılıb. 08B
İqtisadiyyat
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
Rəy yaz