Tofiq Yaqublu "dələduzluq" və "sənəd saxtakarlığı" iddialarını rədd edir - Vəkil (YENİLƏNİB)

Bakı/15.12.23/Turan: Tofiq Yaqublu Azərbaycan Cinayət Məcəlləsinin 178.3.2 (külli miqdarda ziyan vurmaqla dələduzluq etmə), 320.1 (rəsmi sənədləri saxtalaşdırma) və 320.2-ci (bilərəkdən saxta sənədlərdən istifadə etmə) maddələri ilə  Nərimanov rayon polis idarəsində başlanmış cinayət işi üzrə şübhəli şəxs qismində cəlb edilib. Bu barədə vəkil Aqil Layıc məlumat verib.

Cinayət işi faktla bağlı açılıb,  hələlik işdə təqsirləndirilən şəxs yoxdur,  deyə vəkil aydınlıq gətirib.

O əlavə edib ki, istintaq hərəkətləri dekabrın 15-i səhər saatlarından davam etdiriləcək.

Cinayət işinin məzmununu şərh  etməyərək Layıc, "bu,  bir növ"mühacir alverinə bənzər bir şeydir" deyə söyləyiv. (Əvvəllər Azərbaycan prokurorluğu Avropada siyasi mühacir statusu almaq üçün saxta sənədlərin verilməsi ilə bağlı işləri araşdırırdı. Bu işlərdə Azərbaycan müxalifətinin nümayəndələri istintaqa cəlb olunsa da, heç kim məsuliyyətə cəlb edilməyib. Müxalifətçilər təkzib ediblər. onların hər hansı qanunsuz hərəkətlərdə iştirakı, Turanın qeydi).

Yaqublu istintaqın iddialarını rədd edib və cinayət təqibini siyasi fəaliyyəti ilə əlaqələndirib.

“Biz təfərrüatları açıqlamırıq, çünki işdə müəyyən şəxslər var və ictimaiyyət gələcəkdə onlar haqqında məlumat alacaq. Növbəti günlərdə prosessual hərəkətlər davam etdiriləcək və biz istintaq sirrini açıqlamamaq şərti ilə bu barədə müəyyən məlumat verəcəyik. Amma əgər dövlət qurumları şəxsin təqsirsizlik prezumpsiyasını pozan məlumat yayarlarsa, bu halda biz onu təkzib etməyə məcbur olacağıq”, - deyə Layıc bildirib.

Qeyd edək ki, CM -nin 178.3.2 maddəsilə Yaqublunu 7 ildən 12 ilədək azadlıqdan məhrumetmə cəzası gözləyə bilər, 320.1 və 320.2 maddələri ilə iki ilədək müddətə azadlıqdan məhrum etmə.—21B06-

                                          ***

Bakı/14.12.23/Turan: Milli Şuranın Koordinasiya Mərkəzinin üzvü Tofiq Yaqublunun evində axtarış aparıldı, xarici valyutada və manatda pul tapıldı. 

Bu barədə siyasətçinin qızı Nigar Həzi Turana bildirib. 

Onun sözlərinə görə, bu pul onlara aid deyil və evlərinə yerləşdirilib.

N.Həzi qeyd edib ki, evdən o cümlədən anasına aid olan mobil telefonlar və kompyuter da götürülüb. 

Onun sözlərinə görə, T.Yaqublu saxlanılıb, onz qarşı hansı ittiham irəli sürüldüyü bəlli deyil: "Mən özüm gəlsəm də, evimə buraxılmamışam və axtarışda iştirak edə bilməmişəm".-

Daxili İşlər Nazirliyinin mətbuat xidmətinin əməkdaşı İbrahim Əmiraslanlı məlumatı Turana təsdiqləyib. O, qeyd edib ki, araşdırma aparılır. 0-