Türkiyə və ABŞ Cənubi Qafqazdakı vəziyyəti müzakirə edir
Türkiyə və ABŞ Cənubi Qafqazdakı vəziyyəti müzakirə edir
Dövlət katibinin müavini Kurt M. Kempbell və Türkiyənin xarici işlər nazirinin müavini Burak Akkapar Vaşinqtonda ABŞ və Türkiyə arasında regional və qlobal prioritetlər üzrə strateji əməkdaşlığın möhkəmləndirilməsini müzakirə edirlər, bu barədə cümə günü Dövlət Departamenti məlumat yayıb.
"Söhbət Mərkəzi Asiyada iqtisadi əməkdaşlıqdan, Cənubi Qafqazda sülhün bərqərar edilməsindən və Asiyada və onun hüdudlarından kənarda digər birgə iş imkanlarından gedir", deyə mətbuat katibi Metyu Miller bildirib, xəbəri Turan-ın Vaşinqtondakı müxbiri verib.
Vaşinqton və Ankara arasında hərtərəfli danışıqlar cümə axşamı, NATO üzrə müttəfiqlərin Suriya və Ankaranın Rusiya ilə sıx əlaqələri kimi məsələlərdə dərin fikir ayrılıqlarının çərçivələrini aşa bilib-bilməyəcəklərini müzakirə etmək məqsədilə başlayıb.
Cümə gün bu məsələlər artıq dövlət katibi Entoni Blinken və Türkiyənin xarici işlər naziri Hakan Fidanın görüşündə müzakirə edilib.
Fidan jurnalistlərə bildirib ki, iki ölkənin vəzifəli şəxsləri arasında Suriya, Ukrayna, Qəzzə, müdafiə sənayesində əməkdaşlıq, energetika və terrorçuluğa qarşı mübarizə kimi mövzularla bağlı bir neçə mərhələdə müzakirələr aparılıb.
-
- Siyasət
- 9 Mart 2024 10:09
Siyasət
-
Mayın 15-də Ermənistan və Azərbaycan sərhədində Ermənistan və Azərbaycan baş nazirlərinin müavinləri Mher Qriqoryan və Şahin Mustafayevin sədrliyi ilə iki ölkənin dövlət sərhədinin delimitasiyası üzrə komissiyanın 9-cu iclası keçirilib.
-
Bakının Binəqədi Rayon Məhkəməsi Qarabağ separatçılarının ilkin həbs müddətinin uzadılması ilə bağlı istintaqın vəsatətini təmin edib. Arkadi Qukasyan, Bako Saakyan, Araik Arutyunyan, David Babayan, David İşxanyan, Lev Mnatsakanyan, David Manukyan və digərlərinin həbs müddəti 5 ay uzadılıb, Baş Prokurorluğun mətbuat xidmətinin məlumatında deyilir.
-
Mayın 15-də gündüz Slovakiyanın baş naziri Robert Fitsoya silahlı hücum olub.
-
ABŞ-da Texasdan olan konqresmen Henri Kuelyarın Azərbaycanın nəzarətində olan energetika şirkəti və Meksikadakı bankdan 600000 dollar rüşvət alması ilə bağlı araşdırma davam edir.
Rəy yaz